Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Atyraý-Aqparat» medıaseriktestigine jańa dırektor taǵaıyndaldy

2022 jyldyń 16 mamyr 2022 20:53

ATYRAÝ. QazAqparat – Jasyn Birkenov «Atyraý-Aqparat» medıaseriktestigine basshy bolyp taǵaıyndaldy, dep habarlaıdy QazAqparat.

«Atyraý-Aqparat» JShS ujymyna jańa dırektordy oblystyq ishki saıasat basqarmasynyń basshysy Qanat Ázmuhanov tanystyrdy.

Jasyn Birkenov – Soltústik Qazaqstan oblysynyń týmasy. 1989 jyly 30 sáýirde dúnıege kelgen.

Eńbek jolyn 2006 jyly bastaǵan. Ár jyldary MTRK (Petropavl), «Qazaqstan-Petropavl», sondaı-aq, «Qazaqstan» jáne «7 kanal» telearnalarynda jumys istegen.

Al, 2015 jyldan jumysyn «24.kz» telearnasynda jalǵastyrǵan.

2015-2016 jyldary - «Habar 24» telearnasynyń Ýkraına Respýblıkasyndaǵy, 2019-2021 jyldary - Ózbekstan Respýblıkasyndaǵy menshikti tilshisi qyzmetin atqarǵan.

Óńirdegi iri medıaseriktestik – «Atyraý-Aqparat» JShS 2001 jyly qurylǵan.

Medıseriktestiktiń quramynda eki oblystyq, jeti aýdandyq gazet, 11 aqparattyq saıt pen baspahana bar.

Qazir bul medıaseriktestikte dástúrli jýrnalıstıkamen birge ınternetmedıa da damyp keledi.

Eske sala ketelik, budan buryn «Atyraý-Aqparat» medıaseriktestigin basqarǵan Ysqaq Egemberdıev «Aıqyn-Lıter» JShS dırektory bolyp taǵaıyndalǵan edi.


Joǵary qaraı