Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý garnızonynyń áskerıleri 40 lıtr qan tapsyrdy

2021 jyldyń 15 maýsym 2021 20:53

ATYRAÝ. QazAqparat – Atyraý garnızonynyń 100-ge jýyq ofıtseri men áskerı qyzmetshileri 40 lıtr qan tapsyrdy, dep habarlaıdy QazAqparat.

Atyraý garnızony baspasóz qyzmetiniń málimetinshe, qan tapsyrý úshin áskerı bólim aýmaǵynda mobıldi qan qabyldaý beketi jumyldyrylǵan.

«Qan tapsyrmas buryn donorlar qan tobyn anyqtaý úshin aldyn-ala tekserýden ótti. Sodan soń saýalnama toltyryp, dárigerler saýalyna jaýap berdi. Áskerı qyzmetshiler qan bankin toltyrý úshin únemi qan tapsyryp keledi», - deıdi «Batys» óńirlik qolbasshylyǵynyń medıtsınalyq qyzmet bastyǵy, podpolkovnık Naǵyshan Orazymbetov.

Onyń aıtýynsha, áskerıler bes jyldan beri jylyna eki ret qan tapsyrady.




Eske sala ketelik, budan buryn Atyraý garnızonynyń áskerıleri rámizderge qurmet kórsetkenin habarlaǵan edik.


Avtor Bek Mustafa
Basty sózder: Atyraý oblysy, Ásker, Aımaq,
Joǵary qaraı