Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý-Inder jolyna polıtsııa kóligi men úı janýarlarynyń maketi qoıyldy

2021 jyldyń 21 shilde 2021 05:22

ATYRAÝ. QazAqparat – «Atyraý-Inder» tas jolyna patrýldik polıtsııa kóligi men úı janýarlarynyń maketi qoıyldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, atalǵan baǵyttaǵy jolda júrgizýshilerdi jol-kólik apatynan saqtandyrý kózdelgen.

«Kólikterdiń jol boıynda sıyrdy qaǵýy jıilep baraly. Máselen, 17 shildede tańǵy saǵat 05:00 shamasynda «Atyraý-Oral» tas jolymen Almaly aýylyna qaraı qozǵalǵan «Vaz-21101» avtokóliginiń júrgizýshisi jol qaýipsizdigin qadaǵalamaı, túıege soǵyldy. Soqqy saldarynan túıe ólip qalǵan. Polıtsııa qyzmetkerleri jedel izdestirý sharasy kezinde atalǵan avtokólikti júrgizgen 1962 jylǵy er adamdy anyqtady», - dep habarlady departamenttiń baspasóz qyzmeti.





Osyndaı oqıǵanyń aldyn alý úshin departamenttiń ákimshilik polıtsııa basqarmasy men oblystyq jolaýshylar kóligi jáne avtomobıl joldary basqarmasy «Atyraý-Inder» baǵytyndaǵy tas jolǵa patrýldik polıtsııa kóligi men úı janýarlarynyń maketin ornatty. Qazir atalǵan maketter úı janýarlary kóp júretin jáne jol-kólik bolýy múmkin qaýipti ýchaskelerde tur.





Eske sala ketelik, budan buryn Atyraýda jol apatynan júrgizýshi qyz qaıtys bolǵanyn habarlaǵan edik.


Avtor Bek Mustafa
Basty sózder: Atyraý oblysy, Kólik, QR ІІM,
Joǵary qaraı