Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý qalasynda oń jaǵalaý turǵyndary kógildir otynsyz qaldy

2021 jyldyń 15 qyrkúıek 2021 13:45

ATYRAÝ. QazAqparat – Búgin Atyraý qalasynyń oń jaǵalaýyna gaz berý toqtatyldy, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetinshe, búgin, 15 qyrkúıekte «Atyraý-Oral» tasjolynyń 5-shaqyrymyndaǵy jerasty gaz qubyry magıstralynda apattyq jaǵdaı týyndaǵan.

«Búgin saǵat 8:00 shamasynda qubyrdan gaz shyǵyp jatqany týraly habar tústi. «QazTransAımaq» AQ óńirlik fılıalynyń mamandary aqaýdy jedel jóndeýge kiristi. Biraq, bul úshin Jaıyq ózeniniń oń jaǵalaýyndaǵy tutynýshylardy gazben qamtýdy ýaqytsha toqtatýǵa týra keldi. Bul josparlanǵan shara emes, apattyq jaǵdaıǵa baılanysty týyndap otyr. Jumys kúniniń sońyna deıin gazben qamtýdy tolyq qalpyna keltiriledi», - deıdi «QazTransAımaq» AQ óńirlik fılıalynyń bólim basshysy Qurmanbek Ómirzaqov.

Eske sala ketelik, budan buryn Atyraý qalasynyń sol jaǵalaýyna gaz berý ýaqytsha toqtatylatynyn habarlaǵan bolatynbyz.


Joǵary qaraı