Aýa raıy
Astana 30 °S
Almaty 36 °S
valıýta baǵamy
USD 412.55
EUR 468.66
RUB 5.79
CNY 58.80

Atyraý men Mańǵystaýdaǵy epıdjaǵdaıdy turaqtandyrý úshin aımaqqa 164 dáriger barady

2020 jyldyń 13 shilde 2020 17:04

NUR-SULTAN. QazAqparat - Atyraý jáne Mańǵystaý oblystaryndaǵy epıdjaǵdaıdy turaqtandyrý úshin aımaqqa medıtsına qyzmetkerleri barady. Bul jóninde QR Densaýlyq saqtaý mınıstrligine silteme jasap QazAqparat habarlaıdy.

Memleket basshysynyń tapsyrmasymen densaýlyq saqtaý mınıstrligi Atyraý jáne Mańǵystaý oblystaryndaǵy epıdemıologııalyq jaǵdaıdy turaqtandyrý úshin óńirlerge vırýsolog, dáriger-ınfektsıonıst, reanımatolog, pýlmonolog syndy mamandardan turatyn birneshe top medıtsına qyzmetkerin jiberedi, sondaı-aq, reseılik dárigerler de kómektesedi.

Atyraý oblysyna 108 maman barady. Delegatsııa quramynda bas memlekettik sanıtar dárigerdiń basshylyǵymen taýarlar men qyzmetterdiń sapasyn baqylaý komıtetiniń 5 mamany, klınıkalyq kafedralardan - 10 ǵalym, «Batys Qazaqstan medıtsına ýnıversıteti» KEAQ klınıkasynan - 9 rezıdent, sondaı-aq, quramynda pýlmonolog, reanımatolog jáne ınfektsıonıst bar Reseı Federatsııasynan - 6 dáriger bolady.

Mańǵystaý oblysyna 56 maman attandy. 42 dáriger-ıntern, Reseıden 9 maman jáne M.Ospanov atyndaǵy Batys Qazaqstan medıtsına ýnıversıtetinen 5 ǵalym jiberiledi.

Esterińizge sala keteıik, keshe Qazaqstan Prezıdenti Qasym-Jomart Toqaev óziniń Twitter akkaýntynda Atyraý oblysy halqynyń úndeýine jaýap bergen edi.

«Azamattardyń Atyraý oblysyndaǵy jaǵdaıǵa qatysty ótinishimen tanystym. Aımaqqa Premer-mınıstrdiń orynbasary bastaǵan komıssııa bardy. Úkimet oblysqa medıtsına qyzmetkerlerin jiberedi, dári-dármek jetkiziledi», - dep jazdy Toqaev.


Joǵary qaraı