Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý munaı óńdeý zaýyty aýany lastaǵany jaıly aqparatty joqqa shyǵardy

2020 jyldyń 18 qazan 2020 15:51

ATYRAÝ. QazAqparat – Atyraý munaı óńdeý zaýyty zııandy zattardyń apatty mólsherde shyǵarylýy týraly vıdeony joqqa shyǵardy, dep habarlaıdy QazAqparat tilshisi.

«Áleýmettik jelilerde Atyraý munaı óńdeý zaýytynda óndirilgen zııandy zattyń apatty mólsherde shyǵarylýy týraly vıdeo tarap jatyr. Osyǵan oraı, 17-18 qazanda zaýyt qondyrǵylary tehnologııalyq rejımde jumys istep turǵanyn, jumysynda aqaý joq jáne apatty jaǵdaı bolmaǵanyn habarlaımyz. Tehnologııaǵa sáıkes katalıtıkalyq krekıng qondyrǵysy janý ónimderiniń atmosferaǵa enýine jol bermeıtin zamanaýı BELCO (amerıkalyq tehnologııa) tútin gazyn tazartý júıesimen jabdyqtalǵan. Qorshaǵan orta temperatýrasynyń tómendeýine baılanysty tútin qubyrlarynan jylý izi aıqyn kórinedi, atmosferaǵa taraıtyn lastaýshy zat mólsheriniń artyp ketýine jol bermeıdi», - dep habarlady munaı óńdeý mekemesiniń qoǵammen baılanys qyzmeti.

Qala turǵyndary áleýmettik jelilerde tańǵa jýyq jaǵymsyz ıistiń baıqalǵanyn jazyp jatyr.



Joǵary qaraı