Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý munaı óńdeý zaýytynda josparly kúrdeli jóndeý jumysy keıinge qaldy

2021 jyldyń 16 qazan 2021 01:56

ATYRAÝ. QazAqparat – Atyraý munaı óńdeý zaýytynda josparly kúrdeli jóndeý merzimi keıinge aýystyryldy. Bul ishki naryqty dızel otynymen qamtý úshin qolǵa alynǵan, dep habarlaıdy QazAqparat.

Bul týraly Energetıka mınıstri Maǵzum Myrzaǵalıevtyń Atyraý munaı óńdeý zaýytyndaǵy mehanıkalyq tazartý qondyrǵysy men «TAZALYQ» ekologııalyq jobasyn iske asyrý barysymen tanysýy kezinde belgili boldy.

Zaýyttyń bas dırektory Arman Qaırdenovtiń málimetinshe, 9 aıda munaı óńdeý kólemi 4 006 000 tonnany quraǵan.

«Osy kezeńde 935 738 tonna janarmaı, 1 168 276 tonna dızel otyny shyǵaryldy. Shıkizattyq munaıdy óńdeý tereńdigi – 76,06%. Qazaqstannyń ishki naryǵyn dızelmen qamtamasyz etý maqsatynda qondyrǵylardy josparlanǵan jóndeýdi keshirek merzimge aýystyrylady. Jóndeý merzimin aýystyrý jyl sońyna deıin qosymsha 82 251 tonna dızel otynyn óndirýge múmkindik beredi», -deıdi Arman Qaırdenov.

Eske sala ketelik, budan buryn janarmaı tapshylyǵyna baılanysty Atyraý munaı óńdeý zaýyty dızel óndirýge kirisetinin jazǵan edik.


Avtor Bek Mustafa
Basty sózder: Ónerkásip, Munaı, Atyraý oblysy,
Joǵary qaraı