Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Atyraý oblysyna dárigerler jiberilip, dári-dármek jetkiziledi - Prezıdent

2020 jyldyń 11 shilde 2020 23:28

NUR-SULTAN. QazAqparat - QR Úkimeti Atyraý oblysyna dárigerler jiberip, dári-dármek jetkizedi. Bul týraly Prezıdent Qasym-Jomart Toqaev málim etti, dep habarlaıdy QazAqparat.

«Atyraý oblysyndaǵy ahýal týraly qoǵam ókilderiniń shaǵymdarymen tanystym. Premer-Mınıstrdiń orynbasary bastaǵan komıssııa aımaqqa baryp qaıtty. Úkimet óńirge dárigerler jiberedi, dári-dármek jetkizip, kómektesedi», - dep jazdy Memleket basshysy Qasym-Jomart Toqaev Twitter-de.

Aıta keteıik, Atyraý oblysy koronavırýs ınfektsııasyna shaldyqqan naýqastar sany boıynsha elimizde aldyńǵy orynda tur. Óńirde barlyǵy 7393 adam tirkeldi, onyń 4729-y jazylyp shyqty, qaıtys boldy - 13 naýqas.

Osy rette, QR Premer-Mınıstriniń orynbasary Eraly Toǵjanov bastaǵan delegatsııa Atyraý óńirine baryp, shuǵyl jıyn ótkizdi.

Vıtse-premer málim etkendeı, oblys dári-dármekpen 94 paıyzǵa qamtylǵan.

Keńes barysynda epıdemıologııalyq ahýaldy turaqtandyrýǵa qatysty qolǵa alynatyn sharalar aıtyldy.

Al 11 shilde kúni saǵat 00.00-den bastap Atyraý oblysynda karantın sharalary kúsheıtildi.






Joǵary qaraı