Aýa raıy
Astana -13 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 2 myńnan astam ınfektsııalyq tósek-oryn daıyndalady

2020 jyldyń 30 qazan 2020 00:40

ATYRAÝ. QazAqparat –Atyraý oblysynda koronavırýs ınfektsııasy qaıta órshigen jaǵdaı úshin 2080 ınfektsııalyq tósek-oryndy daıyndaý múmkindigi bar, dep habarlaıdy QazAqparat.

Oblystyq densaýlyq saqtaý basqarmasynyń basshysy Ashan Baıdýálıevtiń málimetinshe, onyń ishinde 120 reanımatsııalyq kereýet bolady. Sondaı-aq, qazir Atyraýda modýldik tıptegi 200 oryndyq juqpaly aýrýlar aýrýhanasynyń qurylysy aıaqtalǵan. Endi atalǵan aýrýhanany medıtsınalyq qurylǵylarmen jabdyqtaý júrip jatyr.

«Oblysta PTR-testileýdi 3 memlekettik, 6 jekemenshik zerthana júrgizýde. Koronavırýs ınfektsııasy bastalǵaly beri 320 419 PTR-test alyndy. Sońǵy aptada PTR zertteýdiń ortasha táýliktik kórsetkishi 3152-ni qurap otyr.

Modýldik aýrýhanaǵa taǵy bir PTR-test apparatyn qoıý josparlanýda.

Jylyoı aýdanynda salynyp jatqan ınfektsııalyq modýldik aýrýhana jyl sońyna deıin paıdalanýǵa beriledi. Sonymen birge, aımaqtaǵy emdeý mekemelerinde qajetti dári-dármekterdiń úsh aılyq qory jasaqtaldy» - deıdi Ashan Baıdýálıev.

Onyń aıtýynsha, oblystyń medıtsınalyq uıymdary 3 MRT, 11 kompıýterlik tomografııa, 81 ÝZI, 256 jasandy tynys alý, 27 rentgen apparattarymen, sondaı-aq 977 ottegi generatory men 1341 pýlsoksımetrmen qamtamasyz etilgen.

Eske sala ketelik, budan buryn Eraly Toǵjanov Atyraýdaǵy koronavırýstyń ekinshi tolqynyna daıyndyqty teksergen bolatyn.


Avtor Bek Mustafa
Basty sózder: Aımaq, Koronavırýs, Atyraý oblysy,
Joǵary qaraı