Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 22 myńnan astam kompıýterlik tehnıka taratyldy

2020 jyldyń 24 qyrkúıek 2020 03:43

ATYRAÝ. QazAqparat –Atyraý oblysynda 22 myńnan astam kompıýterlik tehnıka taratyldy, dep habarlaıdy QazAqparat.

Búgin oblys ákiminiń orynbasary Baqytgúl Hamenova Atyraý qalasynyń bilim bólimine, Isataı, Inder, Qyzylqoǵa,​ Qurmanǵazy aýdandarynyń basshylyǵyna tabystady.

Onyń málimetinshe, onlaın bilim alyp jatqan oqýshylarǵa 22 463 kompıýterlik tehnıka jaqyn kúnderi beriledi.

«Pandemııa jaǵdaıyna baılanysty 176 mektepte​ 111 296 oqýshy qashyqtan oqytylýda. Oqýshylarǵa qajetti tehnıkalyq quraldar satyp alýǵa respýblıkalyq jáne jergilikti bıýdjetten qarjy bólindi. Jergilikti bıýdjettiń 555 mln teńgesine 3479 noýtbýk, respýblıkalyq transfert esebinen 2,9 mlrd teńgege​ 18 984 kompterlik tehnıka satyp alynýda. Kompıýterlik tehnıkany oqýshylary tıimdi paıdalanyp, ata-analary kútip ustaýyn qadaǵalaýy qajet», - deıdi oblys ákiminiń orynbasary Baqytgúl Hamenova.

Buǵan deıin Atyraý oblysynyń mektepterine 2499 planshettiń jetkizilgenin habarlap edik.



Avtor Bek Mustafa
Basty sózder: Atyraý oblysy, Bilim,
Joǵary qaraı