Aýa raıy
Astana 10 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 3 tamyzdan bastap qandaı qyzmet túrlerine tyıym salynady

2020 jyldyń 2 tamyz 2020 16:21

ATYRAÝ. QazAqparat –Atyraý oblysynda ýaqytsha shekteý sharalary 17 tamyzǵa deıin uzartyldy. Bul týraly oblystyń Bas memlekettik sanıtarlyq dárigeri Qanat Ǵaınedenovtiń 2 tamyzda qol qoıǵan qaýlysynda aıtylǵan, dep habarlaıdy QazAqparat.

Bas sanıtarlyq dárigerdiń qaýlysynda «Atyraý oblysynda ýaqytsha shekteý sharalary 2020 jylǵy 3 tamyz saǵat 00:00-den 17 tamyz saǵat 00:00-deıin uzartylsyn» -delingen.

Qaýlyǵy sáıkes, azyq-túlik dúkenderine saǵat 10:00-den 21:00-ge deıin jumys isteýge ruqsat berilgen.

Sonymen birge, azyq-túlik emes dúkender, dámhanalar men meıramhanalar, kondıterlik ónimderdi daıyndaýmen jáne satýmen aınalysatyn saýda oryndary, zoodúkender «úıge jetkizý» qaǵıdatymen saǵat 10:00-21:00 aralyǵynda jumys isteı beredi. Dárihanalar tańǵy saǵat 8:00-den keshki saǵat 22:00-ge jumys isteıdi.

«Dýmandy, aýqymdy sporttyq sharalar, kórmeler, forým, konferentsııa, sondaı - aq, otbasylyq eske alý (banket, toı, mereıtoı, sadaqa) jáne úı jaǵdaıynda ózgede sharalardyń ótkizilýine, oıyn-saýyq ortalyqtary, saýda úıleri, saýda jelileriniń, oıyn-saýyq ortalyqtarynyń (karaoke, bılıard, kompıýterlik klýb, kalıan, býkmekerlik keńseler, túngi klýbtar, boýlıng ortalyqtar, attraktsıondar, balalar oıyn alańdary, batýttar jáne basqalar), kınoteatrlardyń, barlyq mádenı nysandar qyzmetine (teatrlar, kontserttik zaldar, murajaı, kórmeler jáne t.b.), balalar saýyqtyrý lagerleriniń, mektepke deıingi uıymdardyń, balalardyń korrektsııalyq kabınetteriniń, bilim ortalyqtarynyń, balalardy damytý ortalyqtarynyń, úıirmeler, balalarǵa jáne eresekterge arnalǵan kýrstarǵa, fýdkort, banket zaldarynyń, SPA ortalyqtary, jattyǵý zaldary, fıtnes ortalyqtary, sporttyq –saýyqtyrý ortalyqtary, basseın, qoǵamdyq monsha, saýna, sulýlyq salondary, shashtaraz, kosmetıkalyq jáne kosmetologııalyq qyzmet kórsetetin, manıkıýr, pedıkıýr qyzmetin kórsetetin ortalyqtar men salondar, qalalyq jáne qoǵamdyq jaǵajaılar, akvaparkter, demalys oryndarynyń, jabyq ǵımarattaǵy azyq-túlik jáne azyq-túlik emes bazarlardyń, kólik jýý, avtomobılderdi jóndeý, turmystyq qyzmet túrlerine qyzmet kórsetýge, bıznes ortalyqtardyń ( advokat, notarıýs, býhgalterlik jáne keńes berý qyzmetteri, jyljymaıtyn múlik agenttikteri, jarnama agenttikteri, sot oryndaýshylary jáne basqalar) qyzmetine tyıym salynsyn, dinı oryndar qyzmeti (meshit, shirkeý, ǵıbadathana, sınagog jáne t.b) toqtatylsyn» -delingen qujatta.

Eske sala ketelik, Atyraý oblysynda karantın rejımi 3 tamyzǵa deıin sozylǵan edi.



Joǵary qaraı