Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda 4 448 adam koronavırýspen aýyryp jatyr

2022 jyldyń 21 qańtar 2022 14:58

ATYRAÝ. QazAqparat –Atyraý oblysynda koronavırýspen 4 448 adam aýyryp jatyr. Onyń ishinde 500 naýqas Teńiz ken ornyndaǵy ınfektsııalyq statsıonarda oqshaýlanǵan, dep habarlaıdy QazAqparat.

Atyraý oblysynda qaýipti vırýsty juqtyrǵan naýqastar sany taǵy da kóbeıdi.

Máselen, 20 qańtarda taǵy da 556 adamnan koronavırýs ınfektsııasynyń belgisi tabyldy.

Ótken táýlikte Atyraý qalasynda 442 naýqas tirkeldi. Qaýipti vırýsqa Teńiz ken ornynda jumys isteıtin 40 jumysshy shaldyqqan.

Sondaı-aq, indetti Qyzylqoǵa aýdanynda 20, Jylyoıda – 18, Inderde – 14, Qurmanǵazyda – 13, Maqatta – 12, Mahambet aýdanynda 10 adamnyń juqtyrǵany anyqtalyp otyr.

«Qazir Atyraý oblysynda 4 448 adam koronavırýs ınfektsııasymen aýyryp jatyr. Onyń ishinde 3 948 adam óz úıinde emdelýge jiberilgen. Al, óńirdegi ınfektsııalyq statsıonarlarda 832 naýqas oqshaýlanǵan. Jylyoı aýdanyndaǵy Teńiz ken ornynda ashylǵan ınfektsııalyq statsıonarda – 500, modýldik aýrýhanada – 190, aýdandardaǵy statsıonarlarda – 65, №2 oblystyq aýrýhanada – 43, ftızıopýlmanologııalyq ortalyqta 34 patsıent em-dom qabyldap jatyr», -dep habarlady oblystyq densaýlyq saqtaý basqarmasynyń baspasóz qyzmeti.

Eske sala ketelik, budan buryn Ajar Ǵınııat Teńiz ken ornynda sanıtarlyq talaptardy kúsheıtýdi tapsyrǵanyn, keıin atyraýlyq dárigerdiń omıkron shtamy mýtatsııaǵa ushyrap, tez ózgeretini týraly pikiri jarııalanǵan edi.


Joǵary qaraı