Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 470 muǵalim jetispeıdi

2020 jyldyń 3 tamyz 2020 17:08

ATYRAÝ. QazAqparat –Atyraý oblysynyń mektepterinde 470 muǵalim jetisreıdi. Bul týraly jergilikti BAQ-qa suhbat bergen oblys ákimi Mahambet Dosmuhambetov málim etti, dep habarlaıdy QazAqparat.

«Qazirgi ýaqytta oblysta 470 muǵalim jetispeıdi. Bıyl pedagogtar qatary 110 jas mamanmen tolyǵady. Onyń 20-sy –bastaýysh synyp muǵalimi. Al, 8 muǵalim orys synyptaryna sabaq beretin bolady. Jańa oqý jylynda 582 bastaýysh synyp ashylady. Onyń ishinde 128 orys synyby bar» -dedi ákim.

Onyń málim etýinshe, bul problemany sheshý úshin pedagog mamandyǵyna oqıtyn stýdentterge granttar bólinedi.

«Kóktemde qashyqtan oqytý úshin 1400 kompıýter satyp alynǵan edi. Endi tamyz aıynda jergilikti bıýdjet esebinen taǵy da 3000 kompıýter satyp alynady. Jyl aıaǵyna deıin respýblıkalyq bıýdjet qarjysyna 18 myń kompıýter satyp alý josparlanyp otyr», -dedi Mahambet Dosmuhambetov.

Eske sala ketelik, budan buryn Atyraýda «Dıplommen –aýylǵa» baǵdarlamasy boıynsha 40-qa jýyq jas aýylǵa baryp jumys isteıtinin habarlaǵanbyz.



Avtor Bek Mustafa
Basty sózder: Atyraý oblysy, Bilim, Ákim,
Joǵary qaraı