Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Atyraý oblysynda eki polıtseı jol apatynan zardap shekti

2019 jyldyń 18 qyrkúıek 2019 17:12

ATYRAÝ. QazAqparat – Atyraý oblysynda 2 polıtsııa ofıtseri jol-kólik oqıǵasynan zardap shekti, dep habarlaıdy QazAqparat tilshisi.

Jol-kólik oqıǵasy búgin túske deıin Atyraý-Oral tasjolynda, oblys ortalyǵynan 15 shaqyrym qashyqtyqta bolǵan.

«Toyota Hilux» kóliginiń júrgizýshisi joldyń qarsy jolaǵyna shyǵyp ketip, «Volkswagen» markaly patrýl polıtsııasynyń kóligimen soqtyǵysqan. Jol apaty bolǵan jerde 2 polıtsııa ofıtseri men «Toyota Hilux» júrgizýshisi jaraqat aldy. Olardyń barlyǵy oblystyq aýrýhanaǵa jetkizildi.

Óńirlik PD baspasóz qyzmetiniń habarlaýynsha, QR QK 345-baby boıynsha sotqa deıingi tergeý júrip jatyr. Oqıǵa ornynda arnaıy jedel-tergeý toby jumys isteýde.


Basty sózder: Atyraý oblysy, Oqıǵa,
Joǵary qaraı