Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda ınfektsııalyq statsıonarlardaǵy naýqastar 4 esege azaıdy

2021 jyldyń 20 qyrkúıek 2021 20:40

ATYRAÝ. QazAqparat – Atyraý oblysynda ınfektsııalyq statsıonarlardaǵy naýqastar sany 4 esege azaıdy, dep habarlaıdy QazAqparat.

Oblystyq densaýlyq basqarmasynyń basshysy Ashan Baıdýálıevtyń málim etýinshe, byltyrńy naýryzdan beri 49 762 adam koronavırýs ınfektsııasyna shaldyqqan. Búginge deıin naýqastardyń 94%-y saýyǵyp shyqqan.

«Qazir ınfektsııalyq statsıonarlarda 433 naýqas emdelip jatyr. Statsıonarlardaǵy tósek-oryn júktemesi 18,4%-dy qurady. Budan bir aı buryn ınfektsııalyq statsıonarda 1 776 naýqas emdelgen edi. Sol kezdegi kórsetkishpen salystyrsaq, koronavırýs ınfektsııasymen aýyrǵan naýqastar sany 4,1 esege azaıdy. Sondaı-aq, sońǵy bir aıda ambýlatorııalyq em qabyldap jatqan naýqastar sany 8 693-ten 1 534-ge, ıaǵnı 5,6 esege azaıdy» -deıdi Ashan Baıdýálıev.

Onyń aıtýynsha, búginge deıin óńirge vaktsınalardyń І komponenti úshin 248 330, al, ІІ komponentine arnalǵan 211 330 doza jetkizilgen. Qazir óńir turǵyndarynyń 72,5%-y ekpe alyp úlgergen.

«Vaktsınalaýǵa baılanysty joǵary kórsetkish Atyraý qalasynda tirkelip otyr. Munda vaktsına alýy tıis adamdardyń 80 paıyzy ekpe saldyrdy. Bul kórsetkish Qurmanǵazy aýdanynda 65, Mahambet aýdanynda 52,7, al, Jylyoı aýdanynda 36,2 paıyzdy qurap otyr» -dep málim etti basqarma basshysy.

Eske sala ketelik, budan buryn Atyraý oblysynda eki kúnde 1 264 adam vaktsına saldyrǵanyn habarlaǵan bolatynbyz.


Avtor Bek Mustafa
Basty sózder: Koronavırýs, Atyraý oblysy,
Joǵary qaraı