Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda ıt talaǵan sábıdiń jaǵdaıy jaqsardy

2020 jyldyń 27 qarasha 2020 17:49

ATYRAÝ. QazAqparat – Atyraý oblysynda ıt talap aýrýhanaǵa túsken eki jasar bala úıine shyǵaryldy, dep habarlaıdy QazAqparat.

Óńirlik Densaýlyq saqtaý basqarmasynyń baspasóz qyzmetinen málim etkendeı,

oblystyq balalar aýrýhanasynda em qabyldaǵan eki jasar sábıdiń jaǵdaıy jaqsardy.

Atalmysh aýrýhananyń dáriger-travmatology Jaqsylyq Maǵzomovtyń aıtýynsha, 2 jasar sábı aýrýhananyń jaraqat bóliminde apta boıy em aldy.

«Tańylǵan jara oryndary jazylǵan soń, tigisterin aldyq. Balanyń bas súıegin kompıýterlik tomografııaǵa túsirdik. Qazirgi ýaqytta bala úıinde. Hırýrgııalyq óńdeý oryndaryna úı jaǵdaıynda anasy kútim jasap turady. Ýchaskelik dárigerdiń baqylaýynda bolady», - dedi emdeýshi dáriger Jaqsylyq Maǵzomov.

Eske salaıyq, 18 qarasha kúni Atyraý qalasyndaǵy Juldyz yqshamaýdanynda 2018 jyly týǵan balany ıt talaǵan bolatyn. Sábı dereý aýrýhanaǵa jetkizildi.

Atyraý oblysynda 15-22 qazan aralyǵynda 9 balany ıt qapqan.





Avtor Mıra Tólendiqyzy
Basty sózder: Aımaq, Atyraý oblysy, Oqıǵa,
Joǵary qaraı