Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Atyraý oblysynda karantın kúsheıtildi

2020 jyldyń 11 shilde 2020 22:19

ATYRAÝ. QazAqparat –Atyraý oblysynda qosymsha shekteý sharalary engizildi, dep habarlaıdy QazAqparat.

Atyraý oblysynyń bas memlekettik sanıtarlyq dárigeri Amantaı Jumaǵalıevtiń qaýlysyna sáıkes, óńirde kelesi shekteý sharalary engizildi:

- jumys ýaqytyn saǵat 10-nan 21-ge deıin shekteı otyryp azyq-túlik sýpermarketteri men dárihanalardy qospaǵanda, oıyn-saýyq ortalyqtary, saýda úıleri, saýda jelileri qyzmetine tyıym salynsyn;

- azyq-túlik emes dúkenderdiń jumysyna tek «úıge jetkizý» qaǵıdaty boıynsha saǵat 10.00-den 21.00-ge deıin ruqsat etiledi;

- kúsheıtilgen sanıtarlyq-dezınfektsııalyq rejımdi saqtap jáne jumys ýaqytyn saǵat 10.00-den 21.00-ge deıin shekteı otyryp, azyq-túlik dúkenderiniń (úıdiń janyndaǵy azyq-túlik dúkenderi, shaǵyn marketter, sýpermarketter, gıpermarketter), azyq-túlik jáne azyq-túlik emes bazarlardyń (ǵımarattardan tys) qyzmetine ruqsat etý;

- qoǵamdyq tamaqtaný obektileriniń (dámhanalar, meıramhanalar, barlar) qyzmetine tek «úıge jetkizý» qaǵıdaty boıynsha saǵat 10.00-den 21.00-ge deıin ruqsat etý;

- uıymdar men kásiporyndarǵa qyzmet kórsetýdi qospaǵanda, halyqqa qyzmet kórsetý jónindegi obektilerdiń (kólik jýý, avtomobılderdi jóndeý, turmystyq tehnıka jáne basqalary) nysandardyń qyzmetine tyıym salý;

- Almaty qalasy, Aqtóbe jáne Mańǵystaý oblystary baǵyttary boıynsha jolaýshylardy temirjol kóligimen tasymaldaý toqtatylady;

- bıznes ortalyǵy obektileriniń (advokattardyń, notarıýstyń, býhgalterlik jáne keńes berý qyzmetteri, jyljymaıtyn múlik agenttikteri, jarnama agenttikteri, sot prıstavtary jáne basqalary) qyzmetine tyıym salynady.

Aıta keteıik, Bas sanıtarlyq dárigerdiń qaýlysy 11 shilde saǵat 00:00-den bastap kúshine endi.

Eske sala keteıik, Atyraý oblysy koronavırýsqa shaldyqqan naýqastar sany boıynsha elimizde aldyńǵy orynda tur.

Soǵan oraı, QR Premer-Mınıstriniń orynbasary Eraly Toǵjanov Atyraý oblysyna jumys saparymen kelip, óńirdegi epıdemıologııalyq ahýalǵa qatysty shuǵyl jıyn ótkizdi.


Joǵary qaraı