Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda karantın rejımi 1 aıda 1378 ret buzylǵan

2020 jyldyń 6 tamyz 2020 07:16

ATYRAÝ. QazAqparat –Atyraý oblysynda 1378 adam karantın rejımin buzǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe 5 shildeden beri júrgizilgen reıd sharalary kezinde 1378 karantın rejımi talaptarynyń buzylýy anyqtalǵan. Onyń 700-ge jýyǵy Atyraý qalasynda tirkelgen.

Sondaı-aq, Qyzylqoǵa aýdanynyń Saǵyz aýylynyń bir turǵyny, Jylyoı aýdanynyń ortalyǵy –Qulsary qalasynyń eki turǵyny toı ótkizgen. Karantın talabyn buzǵandar arasynda qalalaralyq jolaýshylardy tasymaldaýmen aınalysqan avtobýs júrgizýshileri de bar.

«4 tamyzda saǵat 19.30 shamasynda polıtseıler «Atyraý-Oral» tas jolynyń 9-shaqyrymynda jolaýshylar tasymaldaıtyn avtobýsty toqtatty. Túrkistan oblysynyń 36 jastaǵy turǵynynyń ózi basqaratyn avtobýspen «Atyraý-Shymkent» baǵytymen 30 jolaýshymen jolǵa shyqqany anyqtaldy. Karantın rejımin buzǵan júrgizýshige qatysty tıisti sheshim qabyldaý úshin Atyraý qalalyq taýarlar men qyzmetterdiń sapasy men qaýipsizdigin baqylaý basqarmasyna joldaný úshin is-qujattar jınaqtaldy. Al, júrgizýshi men jolaýshylary Atyraýǵa qaıtarylǵan bolatyn.

Alaıda, arada birneshe saǵat ótken soń, atalǵan júrgizýshi tún ishinde jolaýshylarmen Shymkentke barý úshin taǵy da jolǵa shyqqany belgili boldy. Júrgizýshige qatysty QR Ákimshilik quqyq buzýshylyq týraly Kodekstiń 667-babymen (Quqyq qorǵaý organy qyzmetkeriniń zańdy talabyna baǵynbaý) ákimshilik hattama rásimdelip, mamandandyrylǵan sotqa joldandy» -dep departamenttiń baspasóz qyzmeti.

Sol kúni tań aldynda Atyraý qalasyna kireberiste «Shymkent-Atyraý» baǵytymen 26 jolaýshyny ákele jatqan taǵy bir avtobýs anyqtalyp, toqtatylǵan. Kólik júrgizýshisine qatysty jınaqtalǵan qujattar Atyraý qalalyq taýarlar men qyzmetterdiń sapasy men qaýipsizdigin baqylaý basqarmasyna joldandy.

Atyraý oblysynda karantın rejımi engizilgen 5 shildeden beri qalaaralyq jolaýshylar tasymaldaǵan 5 avtobýs anyqtalǵan. Bulardyń barlyǵy da Atyraýdan Shymkent qalasyna jolaýshylar aparmaqshy bolǵan.

Eske sala ketelik, budan buryn Atyraýdan Shymkentke jolaýshy aparmaq bolǵan 2 avtobýs júrgizýshisi ustalǵan bolǵan.

https://www.inform.kz/qz/atyraudan-shymkentke-zholaushy-aparmak-bolgan-2-avtobus-zhurgizushisi-ustaldy_a3677657


Avtor Bek Mustafa
Basty sózder: Atyraý oblysy, Qoǵam, Koronavırýs,
Joǵary qaraı