Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda kópshilik is-sharalardy ótkizýge tyıym salyndy - jańa Qaýly

2021 jyldyń 8 jeltoqsan 2021 20:27

ATYRAÝ. QazAqparat – Atyraý oblysynda turaqty epıdemıologııalyq ahýaldy saqtaý maqsatynda mereke kúnderi qarsańynda kópshilik is-sharalardy ótkizýge tyıym salyndy. Bul týraly búgin, 8 jeltoqsanda Atyraý oblysynyń bas memlekettik sanıtar dárigeri Mádenıet Tanaýov qol qoıǵan jańa qaýlyda aıtylǵan, dep habarlaıdy QazAqparat.

«Barlyq menshik túrindegi uıymdarǵa, kásiporyndarǵa, mektep jáne mektepke deıingi mekemelerge, orta jáne joǵary bilim berý uıymdaryna kópshilik is-sharalar (erteńgilikter, mádenı, tárbıelik, synyptan tys jáne ata-analar jınalystaryn jáne t.b.) ótkizýge tyıym salynsyn», - delingen qujatta.

Ashyq jobasyna qatysatyn áleýmettik-ekonomıkalyq obektilerdiń qyzmetine qyzmetkerler men kelýshilerde qaýipsiz «jasyl» mártebe bolǵan jaǵdaıda (vaktsınatsııa, synama alǵan kezden bastap 7 táýlikten aspaıtyn teris nátıjesi bar PTR test, turaqty medıtsınalyq qarsy kórsetilimderi bar, sońǵy 3 aı ishinde aýyryp jazylǵan adamdar) ruqsat etilip otyr.

Sondaı-aq saýda, oıyn-saýyq ortalyqtary men saýda úıleriniń qyzmetine de osyndaı talap qoıylǵan.

Jańa qaýly 2021 jylǵy 10 jeltoqsanda saǵat 00:00-den bastap kúshine enedi.

Eske salaıyq, budan buryn Atyraý oblysynda koronavırýsqa shaldyqqan 227 adam aýyryp jatqanyn habarlaǵan bolatynbyz.


Joǵary qaraı