Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda rýlge mas kúıde otyrǵan 23 adam bas bostandyǵynan aıyryldy

2021 jyldyń 16 qazan 2021 00:51

ATYRAÝ. QazAqparat – Atyraý oblysynda kólik júrgizý quqyǵynan aıyrylǵanmen, mas kúıde rýlge otyrǵan 23 adam bas bostandyǵynan aıyryldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, jyl basynan beri kólik basqarý quqyǵynan aıyryla otyryp, mas kúıinde rýlge otyrǵan 27 júrgizýshige QR Qylmystyqkodeksiniń 346-babynyń 1 jáne 2-bóligimen qylymystyq is qozǵalǵan. Onyń ishinde 23 adamǵa bas bostandyǵynan aıyrý týraly sot sheshimi shyqqan.

«Patrýldik polıtsııa qyzmetkerleri 14 qazanda saǵat 02:45 shamasynda «Bereke» shaǵyn aýdanynda ornalasqan «Arna» janar-jaǵarmaı beketi tusynan «Vaz-2114» markaly avtokóligin toqtatty. Tekserý kezinde 27 jastaǵy júrgizýshiniń ishimdik ishken kúıinde kólik basqarǵandyǵy anyqtaldy. Onyń buryn da mas kúıinde rýlge otyrǵany úshin sot sheshimimen kólik basqarý quqyǵynan aıyrylǵany belgili boldy» -dep habarlady departamenttiń baspasóz qyzmeti.

Qazir 27 jastaǵy azamatqa qatysty QR Qylmystyq kodeksiniń 346-babynyń 1 bóligimen (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol bergeni úshin) qylmystyq is qozǵaldy. Mas júrgizýshisi ýaqytsha ustaý ızolıatoryna qamaýǵa alynyp, avtokólik arnaıy turaqqa qoıyldy.

Eske sala ketelik, buǵan deıin Atyraý oblysynda toǵyz aıda 38 júrgizýshi sottalǵanyn jazǵan bolatynbyz.

Avtor Bek Mustafa
Basty sózder: Qoǵam, Atyraý oblysy, Kólik,
Joǵary qaraı