Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda saılanǵan 18 aýyl ákiminiń kópshiligi – partııa músheleri

2021 jyldyń 26 shilde 2021 19:46

ATYRAÝ. QazAqparat – Atyraý oblysynda saılanǵan 18 aýyl ákiminiń kópshiligi – partııa músheleri, dep hbarlaıdy QazAqparat.

Atyraý oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetinshe, okrýg ákimderine daýys berýge saılaýshylardyń 74,4%-y qatysqan.

«Saılaý okrýgteri boıynsha saılaýshylar tizimine 44 305 adam engizilgen edi. Onyń ishinde 32 981 saılaýshy daýys berýge qatysty. Bul jalpy saılaýshylardyń 74,4%-yn qurap otyr. Aýyldyq okrýgter ákiminiń laýazymy úshin 52 úmitker saıası dodaǵa tústi. Daýys berýdiń nátıjesinde Nur Otan partııasynan 15, «ADAL» saıası partııasynan 1 adam aýyl ákimi bolyp saılandy. Buǵan qosa, ózin-ózi usynǵan eki úmitker osyndaı laýazymǵa ıe boldy» -deıdi Azamat Aımanakýmov.

Eske sala ketelik, buǵan deıin Atyraýda ákim saılaýynda 52 úmitker baq synaıtynyn jazǵan bolatynbyz.


Joǵary qaraı