Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda shekteý sharalary 31 tamyzǵa deıin uzartyldy

2020 jyldyń 15 tamyz 2020 16:50

ATYRAÝ. QazAqparat – Atyraý oblysy aýmaǵynda shekteý sharalary 31 tamyzǵa deıin uzartyldy. Bul týraly búgin oblystyń bas memlekettik sanıtarlyq dárigeri Qanat Ǵaınedenov qol qoıǵan arnaıy qaýlyda aıtylǵan, dep habarlaıdy QazAqparat.

«Atyraý oblysynyń aýmaǵynda 2020 jylǵy 17 tamyz saǵat 00:00-den 31 tamyz saǵat 00.00-ge deıin shekteý sharalary uzartylsyn. Bes jasqa deıingi balalardy, qoǵamdyq tamaqtaný oryndarynda tamaqtaný jaǵdaılaryn, jeke jáne 5 adamnan aspaıtyn toptyq sportpen aınalysatyn adamdardy qospaǵanda, áleýmettik qashyqtyqty mindetti túrde saqtaı otyryp, qoǵamdyq oryndarda, qoǵamdyq transportta, halyqqa qyzmet kórsetý jáne demalýǵa arnalǵan ǵımarattarda, ashyq aýada medıtsınalyq nemese mata betperdelerin kııý mindetti» -delingen qujatta.

Qaýlyǵa sáıkes, Atyraý oblysynyń aýmaǵynda mynadaı shekteý sharalary uzartylyp otyr. Turǵyndar men avtokólikter qozǵalysyna saǵat 23.00 den 6.00 aralyǵynda júrýine, dýmandy, aýqymdy sport sharalary, kórme, forým, konferentsııa, sondaı-aq, otbasylyq, eske alý (banket, toı, mereıtoı, as berý), onyń ishinde úıde jáne adamdar kóp jınalatyn ózge de sharalardyń ótkizilýine, oıyn-saýyq ortalyqtarynyń (bılıard, kompıýterlik klýb, qorqor , býkmekerlik keńseler, túngi klýbtar, boýlıng ortalyqtar, kınoteatrlar jáne basqa da oıyn-saýyq mekemeleriniń), barlyq mádenı nysandar (teatrlar, kontserttik zaldar, murajaı, kórmeler jáne t.b.), fýdkort, banket zaldary, bar, karaoke, qoǵamdyq jaǵajaılardyń, akvaparkterdiń, basseınderdiń qyzmetine tyıym salynyp otyr.

Eske sala ketelik, Atyraý oblysynda 3 tamyzdan bastap qandaı qyzmet túrlerine tyıym salynǵanyn habarlaǵanbyz.


Joǵary qaraı