Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda sybaılas jemqorlyq qylmys jasaǵan  19 adam sottaldy

2021 jyldyń 25 shilde 2021 04:45

ATYRAÝ. QazAqparat – Atyraý oblysynda sybaılas jemqorlyqqa qatysty 19 adam sottaldy, dep habarlaıdy QazAqparat.

Sybaılas jemqorlyqqa qarsy is-qımyl departamentiniń basshysy Qanat Súleımenovtiń málimetinshe, sybaılas jemqorlyq táýekelderine 12 taldaý men monıtorıng júrgizilgen.

«Atyraý oblysynda sybaılas jemqorlyq qylmysyna qatysty byltyrǵy 6 aıda 77, bıylǵy osy kezeńde 46 qylmys tirkeldi. Júıeli sybaılas jemqorlyqqa qatysty 5, memlekettik baǵdarlamalar aıasynda 3, shaǵyn jáne orta bıznes sýbektilerin qorǵaý jáne kóleńkeli ekonomıkany qoldaý salasynda 1 derek anyqtaldy. Sybaılas jemqorlyq úshin jaýapkershilikke 39 adam tartyldy. Onyń ishinde 6 memlekettik organdardyń birinshi basshysy bar» -deıdi Qanat Súleımenov.

Onyń aıtýynsha, quqyq qorǵaý organdarynda (19), salyq salasynda (11), ákimdikterde (9), bilim (5), aýyl sharýashylyǵynda (4), áleýmettik qamsyzdandyrý (3) jáne ózge salalardaǵy sybaılas jemqorlyq shemalary joıylǵan. Anyqtalǵan qylmystardyń ishinde para berýge baılanysty 32, jymqyrý men alaıaqtyqqa qatysty 14 derek tirkelgen.

«Sybaılas jemqorlyq qylmysqa qatysty 62 is sotqa jiberildi. Sot sheshimimen 19 adam sottaldy», -deıdi Qanat Súleımenov.

Eske sala ketelik, budan buryn Atyraý oblysynda sybaılas jemqorlyq deńgeıi tómendegenin jazǵan bolatynbyz.


Joǵary qaraı