Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda ulttyq halyq sanaǵynan 539 321 adam ótti

2021 jyldyń 26 qazan 2021 00:02

ATYRAÝ. QazAqparat – Atyraý oblysynda ulttyq halyq sanaǵynan 539 321 adam ótti. Bul óńir turǵyndarynyń 81 paıyzyn qurap otyr, dep habarlaıdy QazAqparat.

Ulttyq statıstıka bıýrosy Atyraý oblysy boıynsha departamentiniń basshysy Galıa Muhanǵalıevanyń málimetinshe, ıntervıýerlerdiń sanaq kezindegi turaqsyzdyǵy, keıbir turǵyndardyń úıiniń esigin ashpaýy sanaqty merziminde aıaqtaýǵa kedergi bolyp otyr.

«Atyraý oblysynda 24 qazandaǵy málimetke sáıkes, 292 317 adam halyq sanaǵynan onlaın rejıminde ótti. Bul – oblys turǵyndarynyń 44 paıyzy. Onlaın jáne offlaın ádisimen sanaqtan ótkenderdiń jalpy sany 539 321 adamdy qurap, oblys turǵyndarynyń 81,2 paıyzyn qamtyp otyr. Al, Jylyoı, Inder aýdandarynda sanaqqa qatysqandardyń kórsetkishi 90 paıyzdan asty» -deıdi Galıa Muhanǵalıeva.

Oblys ákimi Mahambet Dosmuhambetov ulttyq halyq sanaǵyna qatysty jumysty áli de júıeli uıymdastyrýdy júktedi.

«Turǵyndarǵa sanaqtyń elimiz úshin, jalpy áleýmettik jaǵdaıdy baǵdarlaý úshin asa mańyzdy ekenin túsindirý qajet. Sondyqtan, ulttyq halyq sanaǵyn merziminde aıaqtaý úshin atqarylatyn jumysty oryndaý árbirimizdiń mindetimiz»,-dedi Mahambet Dosmuhambetov.

Eske sala ketelik, Atyraý oblysynda onlaın sanaqtan ótkender sany 200 myńnan asqanyn habarlaǵan bolatynbyz.


Avtor Bek Mustafa
Basty sózder: Atyraý oblysy, Qoǵam,
Joǵary qaraı