Atyraý oblysynda urlyqqa kúdiktini uryp-soqqan eki polıtseı sottaldy

ATYRAÝ. QazAqparat – Atyraý oblysynda urlyqqa kúdiktini uryp-soqqan eki polıtseısottaldy, dep habarlaıdy QazAqparat.

Oblystyq sottyń baspasóz qyzmetiniń málimetine súıensek, polıtseıler QR Qylmystyq

kodeksiniń 146-baby, 2-bóliginiń 1-tarmaǵy, 362-baby, 4-bóliginiń 1,3-tarmaqtaryn buzǵan.

Qylmystyq is Jylyoı aýdandyq sotynda qaraldy.

«2021 jyldyń 20 naýryzynda polıtsııa bóliminiń jedel ýákilderi K. jáne A. aqsha

qarajatyn urlaý deregimen qozǵalǵan qylmystyq is boıynsha kúdikti retinde tanylǵan

jábirlenýshi A.-ny úıinen kúshtep alyp shyqqan. Polıtsııa bólimine jetkizip, zańsyz ustap, qorqytyp, ar-namysyna tıetin sózder aıtyp, uryp-soǵyp, dene jaraqattaryn

salǵan. K. jáne A. jábirlenýshiniń uıaly telefonymen bankke sonyń

atynan qońyraý shalyp, esebinde qansha aqsha baryn anyqtaǵan. Telefondy alý

týraly hattama toltyrylmaǵan.ıAǵnı jábirlenýshiden ruqsat suramaı, óz

ókilettikterin asyra paıdalanyp, onyń zańmen qorǵalatyn múddelerine eleýli túrde nuqsan keltirgen. Sottalýshylardyń kinási jábirlenýshiniń jaýabymen, sondaı-aq saraptama qorytyndylarymen tolyqtaı dáleldendi», -dep habarlady oblystyq sottyń baspasóz qyzmeti.

Sot úkimimen K. jáne A.-ǵa QR Qylmystyq Kodeksiniń 146-babynyń 2-bóliginiń 1-tarmaǵymen 1 jyl merzimge memlekettik qyzmetpen aınalysý quqyǵynan aıyra otyryp,

3 jyl merzimge, 362-babynyń 1-bóligimen 1 jyl 6 aı merzimge bas bostandyǵynan aıyrý

jazasy taǵaıyndaldy. Atalǵan qujattyń 58-babynyń 3-bóligine sáıkes, olarǵa túpkilikti

1 jyl merzimge memlekettik qyzmetpen aınalysý quqyǵynan aıyra otyryp, 3 jyl

merzimge bas bostandyǵynan aıyrý jazasy taǵaıyndaldy.

Sondaı-aq, polıtseıler polıtsııa aǵa leıtenanty, polıtsııa kapıtany sheninen aıyryldy.

Sot úkimi zańdy kúshine engen joq.

Eske sala ketelik, buǵan deıin Atyraýda 6 mln teńgeni jymqyrǵan dırektor sottalǵanyn

jazǵan bolatynbyz.