Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda jańa úlgidegi eki ýchaskelik polıtsııa beketi ashyldy

2021 jyldyń 24 maýsym 2021 01:21

ATYRAÝ. QazAqparat – Atyraý oblysynda jańa úlgidegi eki ýchaskelik polıtsııa beketi ashyldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, 2018 jyly Atyraý oblysynyń ákimine 34 ýchaskelik polıtsııa beketteriniń jańa ǵımaratyn salý jóninde usynys berilgen. Sodan beri 28 ýchaskelik polıtsııa beketi paıdalanýǵa berilgen. Endi taǵy da osyndaı 5 beketti ashý josparlanǵan. Al, jańa ýchaskelik polıtsııa beketteri Isataı aýdanyndaǵy H.Erǵalıev jáne Tuyqudyq aýyldarynda ashylyp otyr.

«Memleket basshysynyń Joldaýynda Іshki ister organdary júıesin reformalaýda basty ról ýchaskelik polıtseılerge júktelip, olardyń qyzmetine erekshe kóńil bólinetini aıtylǵan edi. Soǵan baılanysty jańa bekette ýchaskelik polıtsııa ınspektory men onyń otbasyna qolaıly turǵyn-jaı qarastyryldy. Mundaı beket tártip saqshysynyń jergilikti turǵyndardyń qaýipsizdigi men qoǵamnyń tynyshtyǵyn saqtaýǵa, qylmystyń aldyn alýǵa zor yqpalyn tıgizedi. Óıtkeni, ýchaskelik ınspektor turǵyndardyń aryz-shaǵymyn osynda qabyldap, kez-kelgen máselege der kezinde den qoıady» -deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.




Tuyqudyq aýylynyń ýchaskelik polıtsııa ınspektory Shyńǵys Ibatov ishki ister organyna 2014 jyly jumysqa qabyldanǵan.

«Jańa úlgidegi ýchaskelik polıtsııa beketinde 4 jumys bólmesi bar. Al, otbasym úshin taǵy 4 bólmeli turǵyn-jaı salynǵan. Endi qadamdyq qoljetimdilikte qyzmet atqaramyn. Óıtkeni, jańa ǵımaratta táýlik boıy jumys isteýge bolady» deıdi ýchaskelik polıtsııa ınspektory Shyńǵys Ibatov.




Eske sala ketelik, budan buryn Atyraýda úzdik ýchaskelik polıtsııa beketine qyzmettik kólik berilgenin habarlaǵan edik.


Avtor Bek Mustafa
Basty sózder: Atyraý oblysy, Qoǵam,
Joǵary qaraı