Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda jedel járdemdi Telegram arqyly shaqyrýǵa bolady

2022 jyldyń 24 mamyr 2022 21:50

ATYRAÝ. QazAqparat – Atyraý oblysynda jedel járdemdi Telegram messendjeri arqyly shaqyrýǵa bolady, dep habarlaıdy QazAqparat.

Atyraý oblysynyń Óńirlik kommýnıkatsııalar qyzmetinen málim etkendeı, jedel járdem brıgadasyn shaqyrý úshin Telegram-bot iske qosyldy. Jeli táýlik boıy jumys isteıdi.

«Arnaıy jelidegi «Jedel járdem shaqyrý» batyrmasyn basý arqyly paıdalanýshy nusqaýlyqqa sáıkes naýqastyń syrqaty nemese jaraqaty týraly málimet bere alady. Buǵan qosa naýqastyń mekenjaıyn da kórsetýi qajet. Telegram-bot arqyly berilgen ótinim oblystyq medıtsınalyq jedel járdem stansasynyń biryńǵaı Call-ortalyǵyna túsedi. Jedel járdem stansasynyń kezekshi dıspetcheri qońyraýdyń shuǵyl ne ózge sanatqa jatatynyn anyqtaıdy. Sodan keıin tórt sanatqa baılanysty áreket etedi», - delingen aqparatta.

Telegram-botta ótinimniń qaralý statýsyn tekserýge bolady. Ol úshin «Júginý kúıin tekserý» batyrmasyn basý kerek.

Al «Jıi qoıylatyn suraqtar» bóliminde aýrý belgileri, soǵan baılanysty qoldanylatyn em-dom sharalary týraly aqparatty tabýǵa bolady.

Qazir oblystyq medıtsınalyq jedel járdem stansasynda arnaıy 66 kólik bar. Jedel járdem qyzmeti úshin 2020 jyly 46, byltyr 20 kólik satyp alyǵan. Jańa kólikterdiń 3-eýi aýdandarǵa bólingen. Atyraý qalasyndaǵy jedel járdem stansasy 17 kólikpen tolyqqan.

Eske salaıyq, buǵan deıin Atyraýda keler jyly 112 biryńǵaı dıspetcherlik qyzmeti iske qosylatynyn habarlaǵan edik.


Joǵary qaraı