Atyraý oblysynda jol apatynan eki adam mert boldy
ATYRAÝ. QazAqparat – Atyraý oblysynda jol apatynan júrgizýshi men kishkentaı bala mert boldy, dep habarlaıdy QazAqparat.
Búgin, 23 qańtarda saǵat 11:00 shamasynda «Atyraý-Inder» jolynda «Granta» men «KIA RIO» kólikteri soqtyǵysqan. Jol apatynan kólik júrgizýshisiniń biri men kishkentaı bala kóz jumǵan.
Kóliktegi jolaýshynyń biri 18 jastaǵy bozbala aýyr jaraqatpen aýrýhanaǵa tústi.
Eske sala ketelik, budan buryn Atyraý oblysynda jeńil kólik aýdarylyp, eki adam mert bolǵan edi.
