Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda júk poıyzy 20 qoı-eshkini basyp ketti

2021 jyldyń 9 jeltoqsan 2021 12:00

ATYRAÝ. QazAqparat – Atyraý oblysynda júk poıyzy 16 qoı men 4 eshkini basyp ketti, dep habarlaıdy QazAqparat.

Kóliktegi polıtsııa departamentiniń baspasóz qyzmeti taratqan aqparatqa qaraǵanda, oqys oqıǵa keshe, 8 jeltoqsanda bolǵan.

«Júk poıyzynyń mashınısi «Qıǵash-Atyraý» ýchaskesindegi №15 razezde temir jol ústinde júrgen qoı-eshkilerdi baıqap, shuǵyl tejeý ádisin qoldandy. Biraq, oqys oqıǵanyń aldyn alý múmkin bolmady. Poıyz 16 qoı men 4 eshkini basyp ketti. Júk poıyzy osynyń saldarynan 12 mınýt májbúrli túrde toqtap turdy. Oqıǵa ornyna Atyraý stansasyndaǵy jelilik polıtsııa bóliminiń jedel-tergeý toby kelip, mán-jaıdy anyqtady», - deıdi departament bastyǵynyń birinshi orynbasary Qalıjan Qoblandın.

Onyń aıtýynsha, poıyz astyna túsken maldyń ıesi Isataı aýdanyndaǵy Aqqystaý aýylynyń turǵyny bolyp shyqqan. Mal ıesine QR Ákimshilik quqyqbuzýshylyq týraly kodeksiniń 559-babynyń 1-bóligimen aıyppul salynǵan.

Eske sala ketelik, buǵan deıin Atyraý oblysynda mal izdeýge shyqqan er adam joǵalyp ketkenin jazǵan bolatynbyz.


Avtor Bek Mustafa
Basty sózder: Atyraý oblysy, Oqıǵa, Kólik,
Joǵary qaraı