Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń ákimi reseılik dárigerlerge alǵys aıtty

2020 jyldyń 30 shilde 2020 05:33

ATYRAÝ. QazAqparat – Atyraý oblysynyń ákimi reseılik dárigerlerge rızashylyǵyn bildirdi, dep habarlaıdy QazAqparat.

Oblys ákimi Mahambet Dosmuhambetovtiń málimetinshe, reseılik dárigerlerdiń Atyraýǵa kelýi der kezindegi kómek boldy. Qazir naýqastar sany azaıǵan. Atyraýlyqtardyń koronavırýs ınfektsııasynan saýyǵý dınamıkasy joǵarylaǵan. Bastapqyda dəriger tapshylyǵy baıqalǵanmen, medıtsına salasy jas kadrlarmen tolyǵyp jatyr.

Oblystyq kardıologııalyq ortalyqtyń qaýipti aımaǵynda eki apta eńbek etken astrahandyq dárigeri Anna Chepel atyraýlyq áriptesterin óz isiniń sheberi dep esepteıdi.

«Atyraýlyq áriptesterimiz shyn máninde bar ómirin jumysta ótkizip jatyr. Bul –úlken eńbek. Buǵan biz naýqastardy emdeý sharalaryna tikeleı atsalysý kezinde kýá boldyq. Qazaqstandyq tarap qoldanyp otyrǵan prepattar bizdiń emdeý hattamamyzǵa tolyq sáıkes keledi» - dedi ol.

Máskeýlik dárigerlerdi bastap kelgen Vladımır Vlasov №2 oblystyq aýrýhanada jumys istegen. Onyń aıtýynsha, reseılikter Atyraýdaǵydaı ahýaldy naýryz, sáýir aılarynda bastan ótkergen.

«Bastysy – statsıonarlarda uıymdastyrý jumysy joǵary deńgeıde. Kadr máselesi de qazir sheshilip keledi. Syrqattanyp qalǵan dárigerler de qatarǵa qosylýda. Biz de áriptesterimizden biraz nárseni úırendik. Bul jerde atyraýlyq dárigerlerdiń kásibı sheberligin, óz ómirin, otbasyn qaýipke tigip, adam ómirin janqııarlyqpen qutqarý jolynda eńbek etip júrgenin atap ótkenimiz jón» -deıdi ol.

Reseılik dárigerler Atyraýdaǵy ınfektsııalyq jáne provızorlyq statsıonarlarda naýqastardy emdeýge qatysty. Olardyń arasynda anestezıolog-reanımatolog, pýlmanolog, ınfektsıonıst, jalpy tájirıbelik dáriger, pedıatrlar bar.

Búgingi kúni Atyraý oblysynda epıdemıologııalyq ahýaldyń turaqtandy. Osyǵan baılanysty Atyraýda karantındik oryndar sany 90 paıyzǵa deıin qysqartylyp, provızorlyq statsıonarlardaǵy kerýetter azaıtylyp jatyr. Al tamyzda aýrýhanalar josparly emdeý sharalaryna kóshedi.

Eske sala ketelik, budan buryn Atyraýda koronavırýs juqtyrǵandardyń 60 paıyzy indetten jazylyp ketken edi.












Joǵary qaraı