Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń Bas arhıtektory taǵaıyndaldy

2021 jyldyń 2 tamyz 2021 22:01

ATYRAÝ. QazAqparat – Atyraý oblysy Memlekettik sáýlet-qurylys baqylaý basqarmasynyń basshysy taǵaıyndaldy, dep habarlaıdy QazAqparat.

Atyraý oblysynyń ákimi Mahambet Dosmuhambetovtiń ókimimen oblystyq Memlekettik sáýlet-qurylys baqylaý basqarmasynyń basshysy bolyp Erlan Qaınatollauly Qabdınov taǵaıyndaldy.

Erlan Qabdınov 1982 jyly Batys Qazaqstan oblysynda týǵan. Bilimi joǵary, 2003 jyly Batys Qazaqstandaǵy Evrazııa tilder jáne menedjment ınstıtýtyn «ekonomıst», 2012 jyly Kaspıı memlekettik tehnologııa jáne ınjınırıng ýnıversıtetin «ǵımarattar men qurylystardy esepteý jáne jobalaý» mamandyǵymen bitirgen.

Eńbek jolyn 2000-2003 jyldary «General Electric» halyqaralyq kompanııasynda menedjer bolyp bastaǵan. 2003-2006 jyldary Astana qalasyndaǵy «Al-Tagır» JShS dırektorynyń orynbasary, 2006-2009 jyldary Atyraý jáne Aqtaý qalalaryndaǵy «BK-Stroıproekt» JShS-niń bas dırektory, 2009-2011 jyldary Aqtaý qalalyq saýlet jáne qala qurylysy bóliminiń tehnıkalyq qyzmetkeri, bas mamannyń mindetin atqarýshy, sondaı-aq bas mamany bolǵan.

2011-2013 jyldary Astana qalalyq Kásipkerlik jáne ónerkásip basqarmasy kásipkerlikti damytý bóliminiń bas mamany, keıin Qurylys jáne turǵyn úı-kommýnaldyq sharýashylyq isteri agenttigi Memlekettik sáýlet-qurylys baqylaý, qadaǵalaý, lıtsenzııalaý jáne attestattaý departamenti attestattaý basqarmasynyń sarapshysy bolǵan. 2013-2014 jyldary QR Óńirlik damý mınıstrliginiń Qurylys jáne turǵyn úı-kommýnaldyq sharýashylyq isteri komıtetinde attestattaý basqarmasynyń bas sarapshysy, 2014-2016 jyldary QR Ulttyq ekonomıka mınıstrliginde qurylys, turǵyn úı-kommýnaldyq sharýashylyq isteri jáne jer resýrstaryn basqarý, lıtsenzııalaý jáne attestattaý basqarmasynyń bas sarapshysy laýazymyn atqarǵan.

2016-2018 jyldary QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetinde lıtsenzııalaý men attestattaýdy monıtorıngileý jáne baqylaý basqarmasynyń bas sarapshysy, 2018-2019 jyldary Atyraý qalalyq bilim bólimi basshysy orynbasarynyń mindetin atqarýshy, basshy orynbasary boldy.

Osy taǵaıyndaýǵa deıin Atyraý qalalyq sáýlet jáne qala qurylysy bóliminiń basshysy bolyp jumys istegen.




Eske sala ketelik, budan buryn Atyraý oblysynda Tabıǵı resýrstar basqarmasyna jańa basshy kelgen edi.


Joǵary qaraı