Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń kásipkerleri toı ótkizýge ruqsat surap otyr

2020 jyldyń 27 qazan 2020 01:05

ATYRAÝ. QazAqparat –Atyraýda birqatar kásipker toı ótkizýge ruqsat surady, dep habarlaıdy QazAqparat óńirlik kommýnıkatsııalar qyzmetine silteme jasap.


Kásipkerler birinshiden, sanıtarlyq talaptardy saqtaı otyryp, 50 adamǵa deıin qatysatyn toı jasaýǵa ruqsat berýdi suraıdy. Ekinshiden, toıhananyń kommýnaldyq tólemin tóleýge ákimdiktiń kómek kórsetkenin qalaıdy.

Toıhana ıelerimen kezdesken oblys ákiminiń orynbasary Erjan Ábilhanovtyń aıtýynsha, qazir kóptegen elde koronavırýstyń ekinshi tolqyny ótip jatyr. Al memleket pen oblystyq ákimdik tarapynan otandyq bıznesti qoldaýǵa kóńil bólinýde. Alaıda, ár azamattyń densaýlyǵy men qaýipsizdigi mańyzdy ekenin umytpaý kerek. Qaýipti indettiń qateri eskerilip, óńirdegi shaǵyn jáne orta kásipkerlik nysandary úshin birtindep jeńildetý sharalary qolǵa alynýda. Toıhanalar men banket zaldaryna 50 adamǵa deıin qatysatyn sharalardy ótkizýge ruqsat berý máselesi qarastyrylyp jatyr.

Al, oblystyń bas memlekettik sanıtarııalyq dárigeriniń ýaqytsha mindetin atqarýshy Amantaı Jumaǵalıev atap ótkendeı, qaýipti indetti juqtyrý deregi áli de tirkelip jatqanda adamdar shoǵyrlanatyn mundaı toı-tomalaq ótkizýdiń qaýpi basym bolady.

«Kezdesýde aıtylǵan máseleniń bárin hattamaǵa túsirdik. Soǵan sáıkes, máseleni oń sheshý joldaryn qarastyramyz. Árıne, bul bir kúnde sheshiletin másele emes. Buryn toıhana ıeleri ǵımarattyń jaryǵyna tólem tólep otyrsa, endi jylytý maýsymy bastaldy. Olar tólemderi kóbeıgenin aıtady. Sondyqtan, olardyń usynysyn eskerip, karantın kezindegi talaptardy saqtaı otyryp, eki jaqqa da tıimdi tusyn qarastyratyn bolamyz», - dedi oblystyq Kásipkerlik jáne ındýstrııalyq-ınnovatsııalyq damý basqarmasy basshysynyń mindetin ýaqytsha atqarýshy Abdýahıt Ábishev.

Eske salaıyq, buǵan deıin Atyraýda toıhana tigin tsehyna aınalǵanyn jazǵan edik.


Joǵary qaraı