Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 1 mln teńgeden astam aıyppulyn tólemegen júrgizýshi ustaldy

2020 jyldyń 23 qazan 2020 02:00

ATYRAÝ. QazAqparat – Atyraýda 1 mln teńgeden astam aıyppulyn tólemegen júrgizýshi ustaldy, dep habarlaıdy QazAqparat.

Atyraý polıtseıleri 15 qazannan beri «Boryshker» is-sharasyn ótkizýdi qolǵa aldy.

Jol qozǵalysy erejesin buzý, onyń ishinde jyldamdyqty asyrý faktilerine foto-beınetirkeýdi júzege asyratyn, jalpy avtokólik qozǵalysyn baqylaýǵa alatyn «KORDON M-2», «KORDON M-4» keshenderiniń beınekameralarynyń Armenııa Respýblıkasynan ákelingen «BMW-525» avtokóligi túskenin anyqtady.

Kólik júrgizýshisi 55 ret jyldamdyqty asyryp, 1 mıllıon 083 myń 420 teńge kólemindegi aıyppuldy tólemegeni úshin ustaldy. Al 40 márte jyldamdyqty saqtamaǵan «VAZ-21144» kóliginiń júrgizýshisine salynǵan aıyppul quny - 666 myń 720 teńge.

«Sondaı-aq, «VAZ-2108» avtokóliginiń júrgizýshisine 21 ret jyldamdyǵyn asyrǵany úshin 333 myń 360 teńge aıyppul salynǵan. Al 28 ret jyldamdyǵyn asyrǵan Reseı esebinde turǵan «VAZ-21014» kóliginiń júrgizýshisine salynǵan aıyppul 494 myń teńgege jetken» dep habarlady oblystyq polıtsııa departamentiniń baspasóz qyzmeti.

Patrýl polıtseıleri berilgen baǵyttamaǵa sáıkes, ıeleri aıyppuldy tólemeı júrgen taǵy 37 avtokólikti toqtatqan. QR Ákimshilik quqyq buzý kodeksiniń 785-babyna sáıkes, aıyppul tólemeı, boryshker atanǵan júrgizýshilerdiń kóligi aıyp turaǵyna qoıyldy.

Eske sala ketelik, budan buryn Atyraýda «Sergek» kameralary 2,5 myńnan astam quqyq buzý deregin tirkegenin habarlap edik.


Avtor Bek Mustafa
Basty sózder: Atyraý oblysy, Oqıǵa, Jol, Kólik,
Joǵary qaraı