Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 11-synyp oqýshysy órt sóndirýshilerge arnalǵan mobıldik qosymsha oılap tapty

2021 jyldyń 29 shilde 2021 14:45

ATYRAÝ. QazAqparat – Atyraýda 11-synyp oqýshysy órt sóndirýshilerge arnalǵan mobıldik qosymsha oılap tapty, dep habarlaıdy QazAqparat.

Atyraýda N.Tilendıev atyndaǵy kishi óner akademııasy bar. Akademııanyń 11-synyp oqýshysy Aslan Tilesovtiń IT-tehnologııaǵa bet burǵan. Jaqynda №1 órt sóndirý bólimshesinde ózi oılap tapqan «QazHydrant» dep atalatyn jańa mobıldik qosymshany tanystyrdy.

«Men IT-tehnologııanyń erekshelikterin 8-synyptan beri zerttep kelemin. Bul jobany órt sóndirý qyzmetin ońtaılandyrýǵa úshin daıyndadym. Atalǵan qosymshany daıyndaýǵa «Bilim-ınnovatsııa» lıtseıindegi zamandastarym Ábdikerim Nodıarov pen Ádiljan Salpekov kómek berdi. Qosymshany daıyndaýdaǵy maqsatym – órt sóndirýshilerdiń qyzmetin jedeldetýge qol ushyn sozý. Óıtkeni, órt sóndirý kezinde tótenshelikter gıdranttardy taba almaı, ábigerge túsedi. Ásirese, túngi mezgilde tabý qıyn» -deıdi jańa qosymshanyń avtory Aslan Tilesov.

Onyń aıtýynsha, Google kartasynan Atyraý qalasyndaǵy barlyq gıdranttyń qaı jerde ornalasqanyn navıgatsııalyq júıemen anyqtaýǵa múmkindik bar. Sol sebepten, órt sóndirýshiler mobıldik qosymshaǵa qyzyǵýshylyq tanytyp otyr.

«Qosymshanyń áli de jetildiretin tusy bar. Degenmen, jaqynda jobany tolyqtyryp, iske qosý joldary qarastyrylady. Buǵan qosa, AstanaHub uıymdastyrǵan Smart City Accelerator (aqyldy qala) baıqaýyna qatysyp, І kezeńiniń irikteýinen óttim» -deıdi Aslan Tilesov.

Eske sala ketelik, budan buryn Atyraýlyq oqýshy volonterlerge arnalǵan mobıldik qosymsha jasap shyǵardy.


Joǵary qaraı