Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda 1800 kásipkerdiń quqyǵy qorǵaldy

2022 jyldyń 26 mamyr 2022 08:27

ATYRAÝ. QazAqparat – Jyl basynan beri Atyraý qalasynyń prokýratýrasy 1800-den astam kásipkerdiń quqyǵyn qorǵady. Túrli zańbuzýshylyqqa jol bergen 6 laýazymdy tulǵa tártiptik jáne ákimshilik jaýapkershilikke tartyldy, dep habarlaıdy QazAqparat tilshisi.

«Qazirgi tańda shaǵyn jáne mıkro bıznes sýbektileriniń qyzmetin tekserýge moratorıı engizilgenine qaramastan, memlekettik organdar Prezıdent Jarlyǵynyń talaptaryn oryndaı bermeıdi. Jumyspen qamtý ortalyǵynyń qyzmetkerleri bólingen memlekettik granttardy ıgerý máselesi boıynsha 200 shaǵyn bıznes sýbektisine qatysty quqyqtyq negizsiz tekserý júrgizdi. Memlekettik mekeme basshysy Ákimshilik quqyq buzýshylyq týraly Kodekstiń 175-babynyń 1-bóligi boıynsha jaýapqa tartyldy. Tekserýlerdiń kúshi joıyldy», - dedi qala prokýrory Arshat Taıtýllın.

Prokýrordyń aktisi boıynsha ýákiletti organdardyń 300-den astam tekserýleri alynyp tastaldy jáne zańsyz dep tanyldy. Atap aıtqanda, esepshottaryn buǵattaý alynyp, shaǵyn kásipkerlik sýbektilerin halyqqa qyzmet kórsetý ortalyqtarynda tirkeýden zańsyz bas tartý jáne jer telimin keńeıtý kezinde eskızdik qujatty zańsyz talap etý áreketteri toqtatyldy. Sondaı-aq, Atyraýda kásipkerlerge jylýmen jáne sýmen jabdyqtaý qyzmetteriniń tarıfteri 66 paıyzǵa deıin tómendetildi.


Joǵary qaraı