Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 2,6 mln teńge aıyppulyn tólemegen júrgizýshi ustaldy

2020 jyldyń 24 qarasha 2020 14:55

ATYRAÝ. QazAqparat – Atyraýda 2 mıllıon teńgeden asatyn aıyppulyn tólemegen júrgizýshi ustaldy, dep habarlaıdy QazAqparat.

Polıtsııa qyzmetkerleri «Atyraý-Dossor» tasjolynda «Toyota Camry» avtokóligin toqtatpaq bolǵan. Alaıda, júrgizýshi polıtsıeılerdiń talabyna baǵynbaǵan.

Tártip saqshylary qala shetindegi «Juldyz» shaǵynaýdanynda toqtatty. Tekserý kezinde kóliktiń memlekettik belgisi jalǵan bolyp shyqty.

«24 jastaǵy júrgizýshi QR Ákimshilik quqyq buzý kodeksiniń birneshe babyn buzǵan. Sonyń negizinde 7 ákimshilik hattama toltyrylyp, 180 570 teńge kóleminde aıyppul salyndy. Budan basqa, atalǵan kodekstiń 590-babynyń 4-bólimimen jáne 596-babynyń 3-bólimimen taǵy 2 ákimshilik hattama sotqa joldandy» dep habarlady oblystyq polıtsııa departamentiniń baspasóz qyzmeti.

Sondaı-aq, atalǵan avtokóliktiń jalǵan memlekettik belgisinde 2 mln 391 858 teńgeni quraıtyn 104 aıyppul, ózine tirkelgen memlekettik belgisinde 272 myń 244 teńgeniń 12 aıyppuly bary anyqtaldy.

Eki mıllıon teńgeden asatyn berejaǵy bar avtokólik aıyp turaǵyna qoıyldy.

Eske sala ketelik, buǵan deıin Atyraýda 14 mln teńge aıyppulyn tólemegen 192 júrgizýshi ustalǵan edi.


Avtor Bek Mustafa
Basty sózder: Kólik, Zań, Jol, Atyraý oblysy,
Joǵary qaraı