Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 20 jastaǵy alaıaq úsh jyl boıy májbúrli eńbekke tartylady

2021 jyldyń 16 maýsym 2021 00:54

ATYRAÝ. QazAqparat – Atyraýda 20 jastaǵy alaıaqtyń bas bostandyǵy 3 jylǵa shekteldi. Endi ol jyl saıyn 100 saǵattan májbúrli eńbekke tartylady, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, qalalyq basqarmanyń kezekshi bólimine E. esimdi turǵyn aryzben júgingen.

«Shaǵymdanýshy belgisiz adam ınternet jelisi arqyly ózin jumysqa ornalastyrýǵa ýáde etip, aqshasyn ıelenip alǵany jóninde aıtqan. Atalǵan derekke qatysty QR Qylmystyq kodeksiniń 190-baby 2-bóligi, 4-tarmaǵy negizinde sotqa deıingi birqatar tergeý áreketi júrgizildi. Birneshe mekemege suranys hattar joldandy. Іzdeý sharalarynyń nátıjesinde kúdiktiniń jeke basy anyqtaldy. Kúdiktiniń bul birinshi qurbany emes. Ol aqparattyq júıeni paıdalanýshynyń senimin teris paıdalaný jolymen bótenniń múlkin jymqyrý maqsatynda «Telegram» áleýmettik jelisine jumysqa ornalastyryp beretini jóninde jarnama ornalastyrǵan. «WhatsApp» áleýmettik jelisiniń «statýs» bólimine «vakansııa» dep kórsetip qoıǵan», - dep habarlady departamenttiń baspasóz qyzmetinen.

Tergeý nátıjesimen is sotqa joldanǵan. Al, sot sheshimimen aıyptalýshy kináli dep tanylyp, 3 jylǵa bas bostandyǵy shekteldi. Sondaı-aq jyl saıyn 100 saǵattan májbúrli eńbekke tartylý jazasy taǵaıyndaldy.

Eske sala ketelik, budan buryn Atyraýda tanysynyń 2 mıllıonnan astam teńgesin aldap alǵan alaıaq sottalǵanyn jazǵan bolatynbyz.


Joǵary qaraı