Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 24 mln teńgeniń esirtkisin satpaq bolǵan dinı aǵym ókilderi ustaldy

2021 jyldyń 15 maýsym 2021 21:47

ATYRAÝ. QazAqparat – Atyraýda 24 mln teńgeniń esirtkisin satpaq bolǵan destrýktıvti dinı aǵym ókilderi ustaldy, dep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aıtýynsha, elimizde «Qarasora-2021» jedel aldyn alý is-sharasy ótip jatyr.

«Atalǵan is-shara kezinde ekstremızmge jáne esirtki qylmysyna qarsy is-qımyl basqarmalarynyń qyzmetkerleri Atyraýǵa Oral qalasynan kelip, sıntetıkalyq esirtki satpaq bolǵan 1998 jáne 1999 jyly týǵan eki kúdiktini ustady. Kúdiktilerden sıntetıkalyq esirtki bar zıp paketterge oralǵan 46 túıir tabyldy. Olardyń jalǵa alǵan páterinen eki paketke oralǵan sıntetıkalyq esirtki zaty men 100 dana daıyn betbelgi tárkilendi. Nátıjesinde jalpy somasy 24 mln teńgege jýyq sıntetıkalyq esirtkiniń 2 400 bir rettik dozasy zańsyz aınalymǵa jiberilmedi», -deıdi Qamza Úmbetqalıev.

Onyń aıtýynsha, qazir ustalǵan kúdiktilerge QR Qylmystyq Kodeksiniń 297-baby 3-bóligimen tergeý amaldary júrgizilýde.




Al, kúdiktiler sottyń sanktsııasymen Atyraý qalasynyń tergeý ızolıatoryna qamaldy.

Eske sala ketelik, budan buryn atyraýlyqtan 3 myńnan astam sıntetıkalyq esirtki dozasy tárkilengen edi.


Joǵary qaraı