Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 3 qyz mingen katamaran Jaıyq ózeniniń ortasynda turyp qaldy

2021 jyldyń 24 maýsym 2021 23:51

ATYRAÝ. QazAqparat – Atyraýda Jaıyq ózeniniń ortasynda toqtap qalǵan katamarannan 3 qyz qutqaryldy, dep habarlaıdy QazAqparat.

Oblystyq Tótenshe jaǵdaılar departamenti baspasóz qyzmetiniń málimetinshe, keshe, 23 maýsymda Jaıyq ózeniniń ortasynda katamaran toqtap qalǵan.

«Keshki saǵat 23:00-de 2005 jáne 2006 jyly týǵan 3 jasóspirim qyz jaǵajaıdan jalǵa alǵan katamaranmen Jaıyq ózenine serýendemek bolǵan. Alaıda, katamarannan aqaý shyǵyp, «Atyraý» shıpajaıynyń tusynda Jaıyqtyń ortasyna yǵyp ketken. Osyǵan baılanysty dabylmen oqıǵa ornyna jetken jedel qutqarý jasaǵynyń qyzmetkerleri júzý kóligimen katamarandy jaǵajaıǵa súırep jetkizdi», - dep habarlady departamenttiń baspasóz qyzmetinen.

Al, qutqarylǵan 3 jasóspirim qyz ıývenaldy polıtsııa qyzmetkerlerine tapsyrylǵan.

Eske sala ketelik, buǵan deıin Atyraýda sýǵa batyp bara jatqan eki jasóspirim qyz qutqarylǵanyn jazǵan bolatynbyz.


Avtor Bek Mustafa
Basty sózder: Aımaq, Atyraý oblysy, Oqıǵa, Qoǵam,
Joǵary qaraı