Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 3 tonnadan astam balyq qutqarylyp, Jaıyq ózenine jiberildi

2021 jyldyń 3 mamyr 2021 16:31

ATYRAÝ. QazAqparat – Atyraýda 3 tonna tiri, 470 keli óli balyq jınaldy, dep habarlaıdy QazAqparat.

Jaıyq-Kaspıı oblysaralyq basseındik balyq sharýashylyǵy ınspektsııasynyń basshysy Nurlybek Ǵaısınniń málimetinshe, Jaıyq ózenindegi sý deńgeıiniń kóterilýinen Atyraý qalasyna taıaý ornalasqan Besikti aýylynyń mańyndaǵy «Bezymıannoe» jaıylmaly kóline qaragóz balyǵy shyqqan.

Alaıda, atalǵan kólde sý deńgeıi tómen bolǵan. Sol sebepten, balyq jaǵaǵa shyǵyp, óle bastaǵan. Al, balyqty jınap alýǵa kóptegen jergilikti turǵyndar kelgen.

«Osyǵan baılanysty quramyna bizdiń ınspektsııanyń, «Balyq sharýashylyǵy ǵylymı-óndiristik ortalyǵy» JShS Atyraý fılıalynyń, oblystyq balyq sharýashylyǵy basqarmasynyń, sondaı-aq, ekologııa departamentiniń ókilderi kirgen arnaıy komıssııa quryldy. Keshe, 2 mamyrda jınalǵan 470 keli óli balyq joıyldy. Al, 3 tonnadan astam

tiri balyq qutqarylyp, Jaıyq ózenine jiberildi», - dedi Nurlybek Gaısın.

Balyqty qutqarý jumysyna 10 ınspektor, jergilikti turǵyndardan 40-qa jýyq adam, ákimshilik 3, ınspektsııadan 4 tehnıka tartylǵan.





Avtor Bek Mustafa
Basty sózder: Atyraý oblysy, Oqıǵa, Ekologııa,
Joǵary qaraı