Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 5 myń otbasyǵa elektr qýaty jańa transformatorlardan beriledi

2020 jyldyń 29 qarasha 2020 04:21

ATYRAÝ. QazAqparat – Atyraýda 5 myń otbasy jańa transformatorlarǵa qosylady, dep habarlaıdy QazAqparat.

Qala ákimdigi Atyraýǵa 50 tolyq jabdyqtalǵan jańa transformatorlyq qosalqy stansa jetkizilgenin málim etti. Endi birneshe jyldan beri jaryqqa qatysty shaǵymdanyp kelgen 5 myń otbasynyń máselesi sheshilmek.

Elektr qýatyn jetkizý sapasyn jaqsartatyn transformator qala mańyndaǵy eldi mekenderge ornatyla bastady. Máselen, «Leshoz» shaǵyn aýdanyndaǵy 32 kóshege ornatylǵan transfomator keńes dáýirinen beri jańartylmaǵan edi. Endi osyndaǵy turǵyndarǵa elektr qýatyn úzdiksiz berý úshin qoldanystaǵy transformatorlarǵa árqaısysynyń qýaty 630 kvA bolatyn 2 jańa qurylǵy ornatyldy.

Al, «Tolqyn» shaǵyn aýdanynyń turǵyndaryna da jaryq endi jańa transformatordan taratylady. Qazir «Atyraý-Jaryq» AQ mamandary jańa transformatorlardy «Jeruıyq» shaǵyn aýdany men Aqsaı eldi mekenine de ornatyp úlgerdi. Aldaǵy kúnderi jańa transformatorlar «Eski áýejaı», «Geolog», «Balyqshy» jáne «Jumysker» shaǵyn aýdandaryna, qalanyń ózge de bóligine qoıylady.

Joǵary qaraı