Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 9 aıda ekonomıkalyq qylmystardyń zalaly 2,8 mlrd teńgeni qurady

2021 jyldyń 14 qazan 2021 21:39

ATYRAÝ. QazAqparat – Atyraýda 9 aıda ekonomıkalyq qylmystardyń zalaly 2,8 mlrd teńgeni qurady, dep habarlaıdy QazAqparat.

Atyraý oblystyq Ekonomıkalyq tergeý departamentiniń basqarma basshysy Qaharman Járdemovtiń málimetinshe, bızneste jıi kezdesetin zań buzýshylyqtar salyq tóleýden jaltarý, jalǵan shot-faktýralardy shyǵarý, memlekettik qarajatty jymqyrý nemese urlaýmen baılanysty bolǵan.

«Bıylǵy 9 aıda departamenttiń óndirisinde 71 qylmystyq is boldy. Onyń ishinde departament qyzmetkerlerimen sotqa deıingi tergeý bastalǵan 56 qylmystyq is bar. Bul tergeý júrgizilip jatqan isterdiń jalpy sanynyń 78,9%-yn qurap otyr. Al 34 qylmystyq istiń 18-i sotqa joldanyp, 16 is aqtalmaıtyn negizderge sáıkes qysqartyldy. Tergeýi aıaqtalǵan qylmystyq ister boıynsha anyqtalǵan zalaldyń somasy 2,8 mlrd teńgeni qurady. Onyń 2,4 mlrd teńgesi memleket paıdasyna óteldi» -dedi óńir kásipkerlerimen kezdesýde Qaharman Járdemov.

Onyń aıtýynsha, D. esimdi áıel qurǵan uıymdasqan qylmystyq toptyń joly kesilgen. «Kúdikti 2017-2019 jyldary 715 mln teńgeden astam mólsherde zalal keltire otyryp, ártúrli kásipkerlik sýbektilerinen bıýdjetke salyq tóleýden jaltarýǵa yqpal etken jalǵan shot-faktýralar jazyp bergen. Sot úkimimen D.-nyń qylmystyq jolmen alynǵan qarajatqa satyp alynǵan múlkin tárkilenip, 7 jylǵa bas bostandyǵynan aıyryldy. Uıymdasqan qylmystyq toptyń qatysýshylaryna túrli jyldarǵa bas bostandyǵynan aıyrý jazasy taǵaıyndaldy», - dep málim etti Qaharman Járdemov.

Eske sala ketelik, budan buryn Atyraý oblysynda bilim basqarmasynyń eks-sheneýnigi sottalǵanyn habarlaǵan bolatynbyz.


Joǵary qaraı