Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda alaıaq ýnıversıtetke aqysyz túsiremin dep úsh adamnyń 1,2 mln teńgesin alǵan

2021 jyldyń 21 qazan 2021 22:10

ATYRAÝ. QazAqparat – Atyraýda 37 jastaǵy alaıaq úsh adamnyń 1,2 mln teńgesin aldap alǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 18 qazanda alaıaqqa aldanǵan úsh adamnan shaǵym túsken.

«Atyraý qalalyq polıtsııa basqarmasyna 22, 27 jáne 35 jastaǵy jergilikti úsh turǵyn aryzdandy. Olar 37 jastaǵy azamattyń joǵary oqý ornyna aqysyz túsirýge ýáde bergenin aıtqan. Kúdikti alaıaqtyq jolmen jábirlenýshilerdiń birinen 600 myń, ekinshisinen 292 myń, al úshinshisinen 350 myń teńge alǵan. Alaıda, osy kezge deıin ýáde etilgen oqýǵa túsirmegen, ne alǵan aqshany keri qaıtarmaǵan. Jábirlenýshiler alaıaqqa aldaǵanyn bilip, polıtsııa qyzmetkerleriniń kómegine júgingen» -dep habarlady departamenttiń baspasóz qyzmeti.

Qazir kúdikke ilingen alaıaqqa qatysty QR Qylmystyq kodeksiniń 190-babynyń 3-bóligimen (Alaıaqtyq) qylmystyq is tirkelip, sotqa deıingi tergeý júrgizilýde.

Eske sala ketelik, ketelik, budan buryn Atyraýda kúzet basqarmasy bastyǵynyń orynbasary 7 jylǵa sottalǵanyn jazǵan edik.


Joǵary qaraı