Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda Altyn Orda jaıly teatrlandyrylǵan qoıylym sahnalandy

2021 jyldyń 18 jeltoqsan 2021 17:07

ATYRAÝ. QazAqparat – Atyraýda Altyn Orda ulysy jaıly teatrlandyrylǵan qoıylym sahnalandy, dep habarlaıdy QazAqparat.

El Táýelsizdiginiń 30 jyldyq merekesine oraı Mahambet atyndaǵy qazaq akademııalyq drama teatrynyń ujymy «Aıbyny asqan Altyn Orda» atty ádebı-teatrlandyrylǵan kompozıtsııalyq qoıylymdy usyndy.

«Táýelsizdiktiń 30 jyldyǵy Atyraý óńirinde taǵylymdy is-sharalarmen aıshyqtalyp jatyr. Sondaı is-sharanyń biri – tarıhı-tanymdyq «Aıbyny asqan Altyn Orda» qoıylymy. Bul uly dalada ulyq ulystar quryp, álemdik órkenıetke úles qosqan uly eldiń murageri ekenimizdi sezindirgen erekshe qoıylym boldy. Ónerdiń qudyrettiligi de osynda bolsa kerek. Teatr ujymy tarıhı jadyny jańǵyrtatyn, jup-jumyr óner týyndysyn daıyndady», - dedi óńir ákimi Mahambet Dosmuhambetov.







Ákimniń aıtýynsha, Jaıyq boıyndaǵy Saraıshyq – kóne qala orny ǵana emes, Altyn ordanyń saıası-ekonomıkalyq ortalyǵy bolǵan qasıetti meken. Aldaǵy maqsat – Caraıshyqty qalpyna keltirip, týrızm ortalyǵyna aınaldyrý. Qazir sapar ortalyǵynyń qurylysy bastaldy. Bıyl Atyraýda «Ulyq Ulys-Altyn Orda» halyqaralyq konferentsııasy ótkenin de aıta keteıik.

«Atyraý óńiri – ejelden el bılegen handardyń, qol bastaǵan batyrlar men sóz bastaǵan bı-sheshen, aqyndardyń, kúıshilerdiń máńgilik meken tapqan jeri. Ulttyq tarıhty túgendep, rýhanııatty jas býynǵa dáripteý jumystaryn arttyramyz. Óıtkeni, tarıhyn tanymaǵan, tegin bilmegen jurttyń taǵylymdy urpaq ósirip, tegeýirindi memleket qurýy ekitalaı. Búgingi shyǵarmanyń basty ıdeıasy – Uly dalada Ulyq memleketter qurǵan babalardyń «Máńgilik el» bolý armany. Sol asqaq armanǵa búgingi urpaǵy jetti. Tórtkúl dúnıe sanasatyn egemen elge aınaldyq», - dedi oblys ákimi.

Atyraý óńiriniń basshysy teatr ujymyna Prezıdent Qasym-Jomart Toqaevtyń Alǵys hatyn tabys etti. Sondaı-aq QR Prezıdentiniń Jarlyǵymen marapattalǵan ónertanýshy, Qazaqstan men Qyrǵyzstannyń eńbek sińirgen qaıratkeri Ilıa Jaqanovqa «Qazaqstan Táýelsizdigine 30 jyl» merekelik medalin tapsyrdy.




Eske sala ketelik, buǵan deıin Atyraýda Ábilhaıyr han men Bopaı hanym týraly kitap tanystyrylǵanyn jazǵan edik.





















Joǵary qaraı