Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda altynshy qabattan qulaǵan 5 jasar qyz aýrýhanada kóz jumdy

2021 jyldyń 20 qazan 2021 19:08

ATYRAÝ. QazAqparat – Atyraýda 6-qabattan qulaǵan 5 jasar qyz aýrýhanada kóz jumdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, búgin, 20 qazanda saǵat 15:05-te jedel járdemge shaqyrtý túsken.

«Búgin oblystyq balalar aýrýhanasyna Atyraý qalasyndaǵy «Nursaıa» shaǵyn aýdanynda ornalasqan turǵyn úıdiń 6-qabatynan qulaǵan 5 jasar qyz jetkizildi. Jansaqtaý bólimine túskende onyń jaǵdaıy óte aýyr boldy. Naýqasta jabyq bas-mı jaraqaty bolǵan. Jambasy synǵan, ishki aǵzasy zaqymdanǵan. Dárigerler 5 jasar qyzdyń ómirin saqtap qalý úshin emdeý sharalaryn júrgizdi. Alaıda, aýyr jaraqat alǵan naýqas jansaqtaý bóliminde kóz jumdy» -dep habarlady basqarmanyń baspasóz qyzmeti.

Eske sala ketelik, budan buryn Atyraýda 1 jasar egiz balalar úshinshi qabattan qulap ketken bolatyn.


Avtor Bek Mustafa
Basty sózder: Oqıǵa, Atyraý oblysy,
Joǵary qaraı