Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda áskerıler maıdangerlerdiń úıine baryp, aýlasyndaǵy qardy kúrep berdi

2021 jyldyń 2 naýryz 2021 12:51

ATYRAÝ. QazAqparat – Atyraýda áskerıler soǵys ardagerleriniń úıine baryp, aýlasyn qardan tazartyp berdi, dep habarlaıdy QazAqparat.

Atyraý qalalyq qorǵanys isteri jónindegi birikken basqarmanyń áskerı qyzmetshileri Ekinshi dúnıejúzilik soǵystyń turatyn úılerdiń aýlasynda senbilik ótkizdi.

«Biz búgingi beıbit úshin maıdan dalasynda qanyn tókken ardagerlerimizdi eshqashan nazardan tys qaldyrmaımyz. Ardagerlerge tek mereke kúnderi ǵana emes, árdaıym kómek kórsetýge tyrysamyz. Kóktem aıy bastalysymen olar turatyn úıdiń aýlasyn retke keltirý týraly sheshim qabyldadyq», - deıdi qorǵanys isteri jónindegi birikken basqarmanyń bastyǵy, podpolkovnık Batyrhan Qazaqov.

Ekinshi dúnıejúzilik soǵysqa qatysqan ardagerlerdiń biri – áskerı ushqysh, zapastaǵy kapıtan Aıdyn Aıbarov. Bıyl 100 jasqa tolatyn ardager áskerı qyzmetkerlermen kezdeskenine qýanyp qaldy. Maıdan dalasynan estelik aıtyp berip, áskerı qyzmetshilerdi týǵan kúnine shaqyrdy. Ǵasyr jasaǵan maıdangerdiń kóńili sergek, qımyly shıraq.




Al, ardager serjant Zakarııa Sultanov ta soǵysqa deıingi jáne keıingi ómiri týraly áńgimelep berdi.

«Soǵysqa barýǵa ótinish bildirgen soń, biz Orynbor men Bashqurtstanda áskerı daıyndyqtan óttik. Sodan keıin shańǵy batalonynyń quramynda Ýfada qurylǵan motoatqyshtar brıgadasynyń qataryna qosyldyq», - deıdi ardager.

Maıdanger Zakarııa Sultanov Belarýssııa men Shyǵys Prýssııadaǵy dúrbeleń shaıqastarda aıaǵynan eki ret jaraqattanǵan. Alaıda ójet minezdi jigit sonda da maıdan dalasynan ketpegen.

«Eki jaraqattan keıin meni Kalınıngrad oblysyndaǵy garnızondyq qyzmetke taǵaıyndady. Sol qalada Jeńisti qarsy aldym. Keıin týǵan jerge oraldym. Meniń jadymda maıdan dalasynan estelikter men jaraqattarym qaldy», - deıdi soǵys ardageri Zakarııa Sultanov.


Joǵary qaraı