Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda áıelin uryp-soqqan er adam 7 kúnge qamaldy

2021 jyldyń 30 shilde 2021 15:31

ATYRAÝ. QazAqparat – Atyraýda otbasynyń shyrqyn buzyp, áıelin urǵan er adam 7 kúnge qamaldy, dep habarlaıdy QazAqparat.

Atyraý qalasy polıtsııa basqarmasy áıelderdi zorlyq-zombylyqtan qorǵaý tobynyń ınspektory Nurgúl Sarsenovanyń aıtýynsha, jyl basynan beri otbasy-turmys qatynasyna qatysty 700-den astam ákimshilik quqyq buzýshylyq tirkelgen.

«Otbasynyń tynyshtyǵyn buzǵandarǵa QR Ákimishilik quqyqbuzýshylyq týraly kodeksiniń 73-babymen (Otbasy-turmystyq qatynastar aıasyndaǵy quqyqqa qarsy áreketter) ákimshilik hattamalar toltyryldy. Sondaı quqyq buzýshynyń biri – 35 jastaǵy turǵyn. Ol zańdy nekedegi áıelin uryp-soǵyp, otbasynda janjal shyǵarǵan. Tekserý kezinde erli-zaıyptylar arasynda túsinispeýshilik oryn alǵany anyqtaldy» -deıdi Nurgúl Sársenova.

Zaıybyna qol kótergen azamatqa qatysty Ákimshilik quqyqbuzýshylyq týraly kodekstiń 73-2 baby 1-1-bólimimen (uryp-soǵý, tán aýrýyna ushyratqan, biraq densaýlyqqa jeńil zııan keltirýge ákep soqpaǵan uryp-soǵý nemese ózge de kúsh qoldaný áreketterin jasaý) ákimshilik hattama toltyryldy. Sot sot sheshimimen 35 jastaǵy turǵyn 7 kúnge ákimshilik qamaýǵa alyndy.

Eske sala ketelik, budan buryn Atyraýda anasyn urǵan er adam 10 kúnge qamalǵan bolatyn.


Joǵary qaraı