Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda balyq qoryna qol suǵýshylardan 175 keli bekire tárkilendi

2021 jyldyń 13 qyrkúıek 2021 09:25

ATYRAÝ. QazAqparat – Atyraý oblysynda balyq qoryna zańsyz qol suǵýshylardan 175 keli balyq tárkilendi, dep habarlaıdy QazAqparat.

Oblystyq orman sharýashylyǵy jáne janýarlar dúnıesi ınspektsııasynyń bas mamany Rústem Qorqytovtyń málimetinshe, jyl basynan beri balyq qorǵaý zańdylyǵyn buzýshylarǵa 2 myńnan astam hattama toltyrylǵan.

«Bıylǵy 9 aıda sý aıdyndarynda quqyq buzǵandarǵa qatysty 180 iske sot úkimi shyqty. Jaıyq pen Qıǵash ózeninen zańsyz qurylǵan 4 myńnan astam tor, 185 júzý quraly tabyldy. Brakonerlerden bekire tuqymdas 175 keli balyq tárkilendi» -deıdi Rústem Qorqytov.

Eske sala ketelik, budan buryn Atyraý oblysynyń turǵynynan jarty tonnadan astam bekire tárkilengenin jazǵan edik.


Joǵary qaraı