Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda bir kúnde 30-ǵa jýyq jol-kólik apaty tirkeldi, zardap shekkender bar

2021 jyldyń 25 qarasha 2021 13:17

ATYRAÝ. QazAqparat – Atyraýda kóktaıǵaqtyń saldarynan bir kúnde 30-ǵa jýyq jol-kólik oqıǵasy tirkelip, bir jolaýshy aýrýhanaǵa tústi, dep habarlaıdy QazAqparat.

Budan buryn Atyraýda kóktaıǵaqta eki kólik soqtyǵysyp, bir jolaýshy a ýrýhanaǵa túskenin jazǵan edik.

Al, keshe, 24 qarashada qar jaýyp, aýa-raıy buzyldy. Meteorologııalyq jaǵdaıdyń nasharlaýynan Atyraý qalasyndaǵy jolda 30-ǵa jýyq jol-kólik oqıǵasy tirkeldi.

«Júrgizýshilerdiń basym kópshiligi kóliginiń shanaǵyna qysqy dóńgelek ornatpaǵan. Bul ásirese, kóktaıǵaqta júrýdi qıyndatyp, jol-kólik oqıǵasyna uryndyrady. Máselen, 24 qarashada saǵat 14:30 shamasynda 1993 jylǵy júrgizýshi «Mercedes Benz» kóliginiń rýline ıe bola almaı, S.Beıbarys dańǵylynda ornalasqan dúkenniń temir qorshaýyna soǵyldy. Al, saǵat 20:00 shamasynda«LADA-2114» kóligi S.Beıbarys dańǵyly men Á.Moldaǵulova kóshesiniń qıylysynda solǵa burylý kezinde qarsy baǵytta kele jatqan «Toyota Alphard» kóligimen soqtyǵysty. Jol-kólik oqıǵasynyń saldarynan «LADA-2114» kóligindegi jolaýshy ártúrli dene jaraqatyn aldy» -dep habarlady departamenttiń baspasóz qyzmetinen.

Qazir 49 jastaǵy áıel oblystyq aýrýhananyń travmatologııa bólimine jatyr.

Atyraýlyq polıtseıler júrgizýshilerdi aýa-raıynyń kúrt sýytýyna baılanysty jol qaýipsizdigin qatań saqtaýǵa shaqyryp otyr.


Avtor Bek Mustafa
Basty sózder: Atyraý oblysy, Jol, Kólik,
Joǵary qaraı