Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda bir túnde 6 mas júrgizýshi ustaldy

2021 jyldyń 15 maýsym 2021 06:30

ATYRAÝ. QazAqparat – Atyraýda bir túnde mas kúıde rýlge otyrǵan 6 júrgizýshi ustaldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, 5 er adam men 1 áıel «Qaýipsiz jol» jedel-profılaktıkalyq is-sharasy kezinde ustalǵan.

«Mas kúıde ustalǵan júrgizýshilerge qatysty QR Ákimshilik quqyqbuzýshylyq týraly Kodeksiniń 608-babynyń 1-bóligimen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) ákimshilik hattamalar toltyryldy. Sot sheshimimen 5 er adam 15 táýlikke ákimshilik qamaýǵa alynyp, 7jylǵa júrgizýshi quqyǵynan aıyryldy» -dep habarlady departamenttiń baspasóz qyzmeti.

Alkogol iship, rýlge otyrǵan áıeldiń bir jasqa tolmaǵan balasy bary eskerilip, ákimshilik qamaýdan bosatylǵan. Alaıda, ol kólik basqarý quqyǵynan 7 jylǵa aıyryldy.

Eske sala ketelik, budan buryn Atyraýda mas kúıde rýlge otyrǵan 2 júkti áıel júrgizýshi kýáliginen aıyrylǵan bolatyn.


Avtor Bek Mustafa
Basty sózder: Aımaq, Atyraý oblysy, Jol, Kólik,
Joǵary qaraı